40 vjet qëndron në pluhur, sot vlen 2 milionë dollarë (Foto)

Ferrari 365 GTB/4 ka parë dritën pas më shumë se dyzet vjetësh sa kishte qëndruar i braktisur në një garazh dhe sot ai do t’i sjellë pronarit të tij një fitim të madh, transmeton KosovaPress.

Në periudhën prej vitit 1969 deri 1973 janë prodhuar  1.200 njësi të modelit Ferrari 365 GTB/4.

Prej këtij numri vetëm pesë automjete ishin prodhuar me karroceri të lehtë për gara në Dayton dhe vetëm njëri prej tyre mundi të vozitej në rrugët publike – Ferrari 365 GTB/4, i cili me dekada mblodhi pluhurin në një garazh.

Praktikisht i vetmi në botë, Ferrari 365 GB4/4 Dayton Berlinett Alloy by Scaglietti në shtator do të dalë në shitje, si pjesë e ankandit të shtëpisë RM Sotheby’s.

Automobili është në gjendje origjinale, gjë të cilën koleksionuesit e vlerësojnë shumë tek old-timer.

Përveç kësaj, automobili ka kaluar vetëm 36.390 km, gjë e cila do të ndikojë në ngritjen e çmimit.

Vlerësohet se në ankandin e ardhshëm pronari i ri do të paguajë ndërmjet 1,65 deri 2 milionë dollarë, ndërsa pas restaurimit të veturës, vlera e saj më vonë do të rritet dukshëm.