Austria shuplakë Erdoganit: Asnjë referendum për dënimin me vdekje në tokën tonë

 

Austria nuk do të lejojë një referendum turk mbi dënimin me vdekje që do të zhvillohej në territorin e shtetit austriak, sipas ministrit të jashtëm, Sebastian Kurz.

“Nëse Turqia vendos të mbajë një referendum për rivendosjen e dënimit me vdekje, atëherë qytetarët turq nuk do të lejohen të votojnë në Austri,” tha Kurz.

Kancelari , Christian Kern konfirmoi se ky ishte vendim i qeverisë.

“Ky lloj referendumi nuk mund të zhvillohet në territorin austriak,” u tha gazetarëve Kern.

”Kjo do të ishte kundër të gjitha bindjeve dhe vlerave tona. Ky kundërshtim mbështetet edhe nga e drejta ndërkombëtare,” tha ai.

Turqia duhej të kërkonte leje nëse dëshironte që populli turk të merrte pjesë në një referendum për dënimin me vdekje. Kern shtoi se qytetarët turq do të ishin të lirë të udhëtonin në Turqi për të votuar.

“Megjithatë, do të ishte më e vështirë për të parandaluar paraqitjet politike apo shpërndarjen e materialit propagandues mbi dënimin me vdekje në Turqi,” tha Kern.

Në 2004, presidenti turk, Rexhep Tajip Erdogan shfuqizoi dënimin me vdekje. Pas një grushti ushtarak të dështuar verën e kaluar, Erdogan ka diskutuar vazhdimisht për rivendosjen e tij duke sugjeruar një referendum. Qytetarët turq në Austri kohët e fundit ishin në gjendje të votonin në një referendum mbi një ndryshim kushtetues në Turqi, që kishte për qëllim zëvendësimin e sistemit parlamentar me një sistem presidencial t’iu përshtatur Erdoganit. Shumica e votuesve në Austri ishin në favor të planit të Erdoganit.