FOTO +18/ Brenda hoteleve të fshehta të dashurisë në Japoni

Fotografi belg Zaza Pertrand e ka bërë një seri me fotografi brenda botës së fshehtë të hoteleve të dashurisë, që ndodhen në Japoni.
I fascinuar nga koncepti i privatësisë që kanë të ashtuquajturat ‘rabuhos’, ai i ka marrë disa pamje, që tregojnë dëshirat dhe joshjen bizare, që klientët duan ta përjetojnë.
Këto vende janë popullarizuar fillimisht në Osaka në vitet e 60-ta, për tu shpërndarë më pas në të gjithë shtetin.
Hotelet e dashurisë janë krijuar nga mungesa e privatësisë nëpër shtëpi dhe si vend ku mund të shkohet fshehtë me dashnor, apo dashnore.
Shërbimet e këtyre lokaleve merren me qira zakonisht për një orë, por ka edhe raste kur mund të shfrytëzohen për tërë natën dhe kushtojnë afro 70 euro.
Sipas statistikave, në Japoni janë të regjistruara mbi 37 mijë hotele të tilla, ndërsa vizitohen nga 1.4 milionë çifte në ditë.
“Nuk është e definuar nëse janë vende të dashurisë apo seksit. Të gjithë i konsiderojnë si të turpshme dhe skandaloze, por prapë i vizitojnë pa problem”, ka thënë fotografi Zaza.
“Mbi të gjitha, janë një parajsë, ku mund të eksplorohen dëshirat seksuale, në mënyrë anonime dhe në izolim total.”
Arkitektura e tyre është e krijuar për fetishe të ndryshme që kanë klientët, pastërtia është në nivel të kënaqshëm, si dhe tërë infrastruktura është në favor që klienti të mos vërehet kur hyn apo del.

/Agjensia e Lajmeve Sot News/