Gjen unazën në karrotë, humbi tre vjet më parë

“Ç’të mbjellësh do korrësh” , thënia e urtë ka rezultuar mëse e vërtetë për një të moshuar 82 vjeçar me banim në Bad Muenstereifel të Gjermanisë.
Pensionisti kishte humbur unazën teksa punonte kopshtin tre vite më parë informon transmetuesi publik gjerman WDR.
I moshuari, emri i të cilit nuk bëhet i ditur, kishte humbur unazën pak ditë pasi kishte festuar me bashkëshorten e tij përvjetorin e artë të martesës, tre vite më parë.
Lajmi u bë publik të premten dhe mësohet se gruaja ishte përpjekur ta qetësonte bashkëshortin se një ditë unaza do të rishfaqej. Dhe ashtu ndodhi. Unaza u gjet në një karrotë, por fatkeqësisht gruaja e tij nuk jeton më. Ajo u nda nga jeta 6 muaj para se i shoqi ti thoshte: Po kishe të drejtë
Nuk është hera e parë që janë gjetur unaza në karrotë. Edhe në 2011 një grua suedeze gjeti unazën e saj të martëses në një karrotë që rritej në kopshtin e saj, 16 vite pasi e kishte humbur
ehering-trifft-moehre-100-_v-gseapremiumxl