Incidenti në Kërçovë, ndërron jetë Alit Abazi

Bartësi i listës së pavarur për këshilltarë në Komunën e Kërçovës, Alit Abazi, i cili u qëllua më 27 shtator në një incident në Kërçovë, ka ndërruar jetë këtë mëngjes në klinikat e Shkupit, si pasojë e lëndimeve të marra.

Nga Klinika Kirurgjike informojnë se edhe përkundër përpjekjeve të mjekëve, Abazi ndërroi jetë në orën 4 të mëngjesit

Në incident përkrah tij u lënduan edhe shefi i shtabit të tij zgjedhor, Destan Abdiu dhe Shaban Dalipi, të cilët gjithashtu janë në spital.

Abazi u operua një ditë pas incidentit dhe deri para disa ditëve ishte në gjendje stabile.

Nga Prokuroria Themelore pas hetimeve të kryera, njoftuan se Abazi është qëlluar nga A.A. pas shpine, ndërsa sipas Ministrisë së Punëve të Brendshme ky rast nuk është i lidhur me procesin zgjedhor