Kjo është anketa e fundit për partitë politike në Maqedoni

Për OBRM-PDUKM do të votonin 23.3 përqind, ndërsa për LSDM-në 19.4%, tregojnë rezultatet e sondazhi të dytë të porositur nga TV Telma dhe Qendrës Maqedonase për Bashkëpunim Ndërkombëtar. Hulumtimi është kryer nga agjencia M-prospekt, përcjell Telegrafi Maqedoni.

Këtë herë anketa është bërë me telefon dhe është zbatuar prej 20 deri më 30 nëntor të 1.800 të anketuarve.

Për BDI-në do të votonin 6.6%, për PDSH 3.3%, Koalicioni për Ndryshime dhe Drejtësi 0.9%, OBRM për Maqedoni 2.5%, Aleanca për shqiptarët 1.9%, Partia Liberale 0.1%, ‘E Majta’ 1.2%, Besa – 2.7%.

Të pavendosur mbeten 15.1%, refuzuan të deklarojnë 17.6% (32.7% totale çështje gri), dhe 5.5% nuk kanë dhënë përgjigje për ndonjë parti.

Edhe ky studim ka treguar se një përqindje e madhe janë të pavendosur.