Kujdes! Ja sa gjatë mund të ruhen ushqimet në frigorifer

Ideja që disa ushqime mund të rrezistojnë gjatë në frigorifer mund të rrezikojë seriozisht shëndetin tonë.

Por, në fakt, nga frutat deri tek peshku, shumë produkte të freskëta nuk janë më të mira pasi qëndrojnë për më shumë se 2-3 ditë në frigorifer.

Këshillat, nga ekspertët e ushqimit të Institutit Good Housekeeping, mund të surprizojnë shumë njerëz të cilët janë mësuar ta mbajnë mishin, qumështin apo gjithçka tjetër më shumë se një javë në frigorifer.

Sipas ekspertëve, peshku nuk duhet të qëndrojë për më shumë se 1 ditë në frigorifer, frutat e buta jo më shumë se dy ditë. Po ashtu mishi i ngrirë, djathi i butë dhe mishi i pulës duhet të konsumohen brenda 3 ditësh.

Madje, edhe djathi i fortë, që mendohet se mund të zgjasë shumë gjatë pa u prishur në frigorifer, sipas ekspertëve të Institutit Good Housekeeping, nuk mund të qëndrojë më shumë se 1 javë në frigorifer.

Më poshtë do të gjeni një listë që tregon jetëgjatësinë e disa ushqimeve të freskëta (rezultatet mund të duken pak të habitshme nga shumë njerëz të cilët janë mësuar t’i mbajnë ushqimet më gjatë në frigorifer, megjithatë, më mirë të jemi të sigurt sesa të vuajmë pasojat pastaj).

Peshku – 1 ditë

Goca deti – 1 ditë

Frutat e buta – 1-2 ditë

Mishi i prerë – 2 ditë

Djathi i butë – 2-3 ditë

Mishi i pulës – 2-3 ditë

Sallata – 2-3 ditë

Sallami – 3 ditë

Perimet e gjelbërta – 3-4 ditë

Frutat e forta – 3-7 ditë

Qumështi – 3-4 ditë

Proshuta – 7 ditë

Djathi i fortë – 1 javë

Vezët – 1 javë

Salmoni i tymosur – 1-2 javë