Kurti, Selimi e Ahmeti vizitojnë Haradinajn në Francë

Krerët e Lëvizjes Vetëvendosje, Albin Kurti, Rexhep Selimi dhe Shpend Ahmeti kanë vizituar sot në Francë kreun e AAK-së, Ramush Haradinaj.

Këtë e ka bërë të ditur Ahmeti përmes një postimi në Facebook, ndërsa ka thënë se mbajtja e Haradinajt në Francë është padrejtësi, transmeton Koha.net.

“Shfrytëzuam pushimin e pavarësisë për ta vizituar Ramush Haradinajn në Strasbourg. Mbajtja e tij në Francë është padrejtësi. ‘Padrejtësia dikund është padrejtësi gjithkund’”, ka shkruar Ahmeti.

Haradinaj po vazhdon të mbahet në Francë, ku edhe ishte arrestuar për shkak të një fletarrestimi të Serbisë.