Lajm i fundit: Alarm për bombë në Tiranë

Një alarm për bombë në një automjet ka shkaktuar reagimin e menjëhershëm të policisë.

Forcat e rendit kanë shkuar menjëherë në vendin e ngjarjes ku kanë nisur hetimet.

Bëhet fjalë për një automjet të parkuar pranë Drejtorisë së Patentave në Kashar. Në vendin e ngjarjes kanë shkuar edhe forcat Xheniere.

Njoftimi i policisë:

Më datë 21.09.2016, në Kashar, tek parkingu pranë Drejtorisë së Patentave, shtetasi E. B., pretendon se në mjetin e tij, i kanë vendosur lëndë eksplozive.

Në vendngjarje Shërbimet e Policisë kanë marrë masat e sigurisë, gjithashtu ekspert xhenier, po bëjnë kontrollin e imtësishëm të mjetit.