Lëvizja Besa – Kryetari i BESËS Bilall Kasami u takua me z. Milan Jazbec, Ambasador i Sllovenisë në Shkup

Sot, Lëvizja BESA në përbërje të kryetarit Bilall Kasami, dhe drejtorit të Departamentit të Punëve të Jashtme e anëtarit të kryesisë qendrore, Kastriot Rexhepi, kanë realizuar një takim me ambasadorin e Sllovenisë në Shkup, Shkëlqesinë e tij, z. Milan Jazbec dhe ndihmësen e tij Mira Lesjak.

Në këtë takim kryesisht është biseduar për zhvillimet e fundit politike në vend, me çka përfaqësuesit e BESËS e kanë njoftuar ambasadorin slloven me platformën “Ridefinimi”, si dhe përgatitjet e Lëvizjes për zgjedhje. BESA me këtë rast ka shprehur mbështetje të parezervë për Prokurorinë Speciale Publike.

BESA ka theksuar se, përveç Prokurorisë Speciale, ashtu siç kishte cekur që në mars të vitit 2015 në Platformën “Ridefinimi”, del se është nevojë e patjetërsueshme edhe krijimi i Gjykatës Speciale.

Takimet e këtilla me faktorin ndërkombëtar kohëve të fundit janë duke u realizuar intensivisht me përfaqësuesit e Lëvizjes BESA.