Limaj: Brenda 24 orëve mund të thirret seanca për rrëzimin e Qeverisë “Mustafa”

Kryetari i Nisma-s për Kosovën, Fatmir Limaj ka konfirmuar se janë arritur nënshkrimet e nevojshme për mocionin e rrëzimit të Qeverisë “Mustafa”. Madje, ai ka thënë se seanca parlamentare mund ta mbahet edhe brenda 24 orëve të ardhshme.

“I kemi të siguruar nënshrkimet. Proceduralisht rregulat thonë: Duhet të jenë së paku 40 nënshrkime për tu futur në rend të ditës si mocion. Pastaj me 40 nënshrkime rregullorja thotë se më së largu për pesë ditë duhet të mblidhet Kuvendi. Por në qoftë se parashtruesit e mocionit kërkojnë atëherë për 24 mund të ftohet seanca e jashtëzakonshme”, ka thënë Limaj në emisioni “Politikë” të Tribuna Channel.