Lirohet sulmuesi i Selës, është këshilltar i VMRO-së

Prokuroria në Shkup ka lënë në gjendje të lirë sulmuesin e Ziadin Selës. Lajmin e kanë konfirmuar burime të policisë së Kumanovës për “Lajm”.

Mësohet se Toni Trajkovski i cili u arrestua mbrëmë është këshilltar i VMRO-DPMNE-së në Këshillin e Kumanovës.

Ai është lënë i lirë me arsyetimin se nuk e ka sulmuar kreun e LR-PDSH-së, Zijadin Selën, por e ka tërhequr nga turma e dhunshme.

“Nga pamjet e publikuara deri më tani, Trajkovski është i pranishëm në sulmin në Kuvend dhe se bazuar në sjelljen e tij agresive, vështirë të besohet se nuk ka marrë pjesë në sulmin ndaj Selës”, kanë bërë me dije nga policia e Kumanovës.