LR-PDSH kërkon ndërprerjen të projektit për Qendrën e re Klinike në Shkup

LR-PDSH përmes një kumtese  ka reaguar ndaj nënshkrimit të marrëveshjes së Nikolla Todorovit për ndërtimin e Qendrës së re Klinike në Shkup.

 

Nga partia thonë se, kjo lëvizje tregon se bëhet fjalë për rrethin e fundit të cirkut qesharak e maratonik të Nikolla Todorovit në fushën e shëndetësisë, si edhe një tendencë për defokusim nga ngjarja e tmerrshme e enjtes të përgjakur.

“Departamenti i Shëndetësisë i Lëvizjes për Reforma PDSH kërkon ndërperje të menjëhershme të këtij proekti dhe të kësaj sjellje infantile. Këtë projekt do duhet ta realizojë qeveria e ardhshme reformatore, me transparencë, debat publik dhe këshillim me profesionistë të kësaj fushe por edhe të tjerëve që merren me menaxhment shëndetësor.
​Poashtu, kërkojmë nga qeveria teknike që urgjentisht të ndërprejë rikonstruimet e klinikave dhe spitaleve në kohë pa kohë duke shkaktuar pengesa të mëdhaja në punën e përditshme. Në një ardhmëri të afërt do të kërkojmë llogari dhe përgjegjësi për këtë dëm të madh që i bëhet buxheteve edhe ashtu të mjera të klinikave universitare dhe spitaleve tjera publike në Maqedoni”, thuhet në reagimin e LR-PDSH-së.