LSDM: Gruevski duhet të tregojë si ka kursyer e që është pasuruar aq shumë

LSDM-ja përmes një komunikate të dërguar për media, ka kërkuar nga Nikolla Gruevski të tregojë mënyrën se si ka kursyer që është pasuruar aq shumë. Nga LSDM kërkojnë që të tregojë se si i ka kursyer 230 mijë euro, të cilat zyrtarisht Gruevski i ka paraqitur në listën më të re anketuese, njofton Telegrafi Maqedoni.

“Ish kryeministri përderisa i ka varfëruar mbi 500 mijë qytetarë, siç publikuam ka kursyer 10 mijë euro në muaj. Ndërsa sipas të dhënave të fundit, gjatë vitit të kaluar ka kursyer thuajse 20 mijë euro. Kjo mund të shihet në listat anketuese gjatë tre viteve të fundit. Nëse ky kursim ndahet në 12 muaj, atëherë del se i akuzuari Gruevski në muaj ka kursyer rreth 1,500 euro”, thuhet në komunikatën e LSDM-së.

Nga LSDM gjithashtu thonë se edhe funksionarë të tjerë nga Qeveria e kaluar kanë vjedhur para të qytetarëve dhe për këtë arsye thonë se, mbi 600 mijë qytetarë kanë votuar për ndryshime.