Wednesday, August 23, 2017
Home Blog

Еве зошто Србија е бесна на Македонија и ги повлече своите дипломати

0

Според извори на „Макфакс“, официјален Белград имал информација дека Македонија ќе биде предлагач за гласањето за влез на Косово во УНЕСКО, поточно да ја предложи таа точка за дневен ред.

Сите прозорци во амбасадата се затемнети, а пред неа има зголемено полициско присуство. Неофицијално, се дознава дека, освен персоналот, се однесени и технички сретства и сите документи од Амбасадата.

Драма во Идризово: Вооружени и маскирани лица пукале во затворот

0

Две вооружени маскирани лица синоќа нешто по 21 часот пукале во воздух и се обиделе да влезат во женскиот дел во затворот во Идризово. Информацијата за МКД.мк ја потврди и директорот на затворот, Ќерим Махмути. Директорот демантира дека се работи за обид за бегство и вели дека состојбата во затворот е под контрола. По двете лица се трага.

-Точно е дека имаше пукање. Две лица од задната страна на затворот, преку нивите се обиделе да се доближат во женскиот дел на затворот. Но, чуварите веднаш интервенерале. Двете лица испукале еден куршум во воздух и никој не е повреден. По настанот двјцата побегнале. Не се работи за обид за бегство и состојбата овде во затворот е мирна , изјави за МКД.мк директорот на Идризово Махмути.

Тој додава дека инцидентот е пријавен во МВР и истрагата ќе треба да покаже кој и зошто со оружје во раце се обидел да влезе во затворот и дали требало на некој осуденик или осуденичка да му се побегне во обид за бегство.

Во Струмичко повредени 15 лица во судир на два автобуси и две возила

0

Петнаесет лица од кои едно потешко се повредени во сообраќајна несреќа која вчера се случила на локалниот пат меѓу селата Банско и Муртино, а во која учествувале два автобуси, теренско возило и еден автомобил.
Од МВР информираат дека несреќата се случила околу 14:20 часот.

-Во несреќата учествувале автобус „Ванхул“ управуван од Б.К. (62), автобус „Неоплан“ управуван од Ѓ.Ј.(59), теренско возило „Опел комбо“ со кое управувал 51 годишниот М.М. од село Радово и автомобил „Опел зафира“ која ја возел 26 годишниот Р.И. од Радово, информираат од полицијата.

Со тешки повреди во несреќата се здобил возачот на „Комбото“ М.М. кој по укажаната лекарска помош е задржан во Медицинскиот центар во Струмица. Полесно повредени се сопатник од автомобилот и 13 патници од автобусот „Ванхул“ кои по укажаната лекарска помош се пуштени на домашно лекување.

Полицијата на местото на несреќата извршила увид и презема мерки за нејзино целосно расчитување.

Хорор во Македонија: Убиен маж, четири лица повредени

0

Крвава ноќ во Велес. Маж влегол во куќата на соседот и го убил, а повредил уште четири лица, сите членови на едно семејство.

Убиецот е приведен од страна на полицијата. Наскоро поопширно…

Еве како Милан ѝ одговори на Шкендија за видеото (ФОТО)

0

Тетовци вчера објавија видео во пресрет на натпреварот со Милан, а тоа видео го привече вниманието на јавноста и медиумите во земјата, но и во регионот.

Видеото стигна и до официјален Милан, па откако го видеа видеото, од официјалниот профил на клубот беше оставен коментар на Фејсбук.

-Здраво Шкендија. Голем дух за здраво натпреварување! Ќе ни биде задоволство да ве пречекаме на Сан Сиро во четврток. Се гледаме пријатели, гласеше коментарот на италијанскиот клуб.

Една Холанѓанка ги опиша Македонците во 15 реченици!

0

Ова е листата на 15 најчудни работи за кои ми требаше доста време да ги сфатам, пишува таа:

1. Македонците со ракија лечат се! Имате проблеми со затнат нос? Помирисајте ракија! Ве каснал комарец? Ставете ракија на местото. Прозорците на автомобилот ви се нечисти? Земете ракија. Имате мала рана? Ставете ракија на неа.

2. Македонците секогаш ќе ве прашаат колку пари чини нешто. Имаш нов часовник? За колку пари го купи? Нов автомобил? Колку пари чинеше? Изгледа ова е многу важно прашање овде.

3. Сè се врти околу храната. Главното прашање на денот: што има за ручек и вечера?

4. Заради некоја причина совршено нормално е да имате теписи насекаде, и тоа во сите големини и форми. Дури и подот во кујната често е прекриен со тепих.

5. Сите имаат прекар кој ни малку не потсетува на нивното реално име. Но повторно, повеќето Македонци не се многу креативни во погледна имињата. Најчести имиња тука се Александар и Ана. Така што, да, мора да има прекар за да не го викнете случајно погрешниот Александар…

6. Секогаш се жалат дека немаат пари, а сепак во кафулињата нема каде да седнеш.

7. „Промаја“ е всушност провев во куќата и според постарите генерации нешто кое сигурно ќе ве разболи и е многу лошо, па затоа чувајте ги вратите и прозорците затворени!

8. Не разбираат “не можам повеќе“. Особено бабите во оваа земја ќе ве натераат да се прејадете и во никој случај нема да прифатат „не“ за одговор.

9. Целосно се трансформираат кога ќе влезат во автомобил. Македонците во глобала се многу љубезни луѓе, но штом влезат во автомобил како да добиваат самоубиствени нагони.

10. Тротоарите ги користат за паркирање наместо за движење. И никогаш не возете по десната лента, бидејќи таа е наменета за автобуси и автомобили кои едноставно застануваат овде-онде. Или почнете да возите во рикверц на булевар. И тоа е можно.

11. Кај нив тортата се служи на крајот од роденденската забава и откако гостите ќе ја изедат тортата си одат дома. Во Холандија работите се прават сосема спротивно.

12. Кога Македонците ќе ве поканат во нивниот дом, секогаш однесете нешто, без разлика дали е благо или солено, дури и кога одите на посета кај пријател. Тоа е како некое непишано правило на благодарност за нивната гостопримливост.

13. Бурек со јогурт се смета за солиден појадок.

14. Не бидете изненадени кога ќе видите дека постарите генерации разбираат шпански. Порано многу гледале шпански серии и го научиле јазикот. Сега се чини дека сите гледаат турски серии, кои се многу лошо синхронизирани.

15. Речиси 40% од населението во Македонија ги троши последните пари во спортските обложувалници. А обложувалници има на секој чекор.

Македонија денеска ќе се задолжи за нови 44,7 милиони евра

0

Државата денеска повторно ќе се задолжи кај домашните кредитори, банки и осигурителни компании за сума од речиси 2 милијарди и 750 милиони денари или приближно 44,7 милиони евра, објавено е на веб-страна на Министерството за финансии.

Станува збор за аукција на 12 месечни државни записи, како и на 5 и 15-годишна државна обврзница. Веќе утре, за враќање достасуваат 32,5 милиони евра, стари долгови.

Детали за убиството на Бојку

0

Педесет и пет годишниот Д.Б. од село Галешта е усмртен вчера додека седел на терасата од ресторанот „Аква Блу“ во Струга, велат од полицијата.

Од Министерството за внатрешни работи денес излегоа со повеќе детали околу убиството на Дилавер Бојку Леку кој беше застрелан сред бел ден во ресторан на плажа во Струга.

-Непознато лице околу 16:45 часот дошло и испукало еден проектил од огнено оружје кој во погодил Д.Б. во пределот на главата, по што почнало да бега. Веднаш потоа синот на Д.Б. со уште едно лице се стрчале кон него во обид да го фатат, но напаѓачот испукал неколку куршуми и кон нив и избегал, информираат утринава од МВР.

Повредиот, велат од полицијата, бил пренесен во струшката болница, каде по кратко време починал. Полициски екипи извршиле увид на местото на настанот, а телото на починатиот по наредба на јавен обвинител е предадено на обдукција. Дополнително, додаваат од МВР, од местото подигнати се траги кои се предадени на вештачење, а интензивно се преземаат мерки за пронаоѓање на сторителот.

Во јавноста веќе се шират гласини дека се работи за крвна одмазда. Сведоци на крвавиот инцидентот кој се случи сред бел ден биле бројните капачи кои во моментот кога се случил немилиот настан биле на плажата со која убиениот стопанисувал.

Дежурните лекари се обиделе да го спасат Леку кого во струшката општа болница го донеле со приватен автомовил.

–Донесено е лицето Бојку Дилавер од приватни лица, не беше донесен со кола од брза помош. Примен во хируршкото одделение во Струга, видено е кај него прострелна рана во главата. Веќе беше во агонија, односно во биолошка смрт. Иако се обидувавме со анестезиологот дадовме брза интервенција, но не се успеа да се врати во живот, изјави вчера Илми Речи-хирург.

И додека полицијата трага по убиецот, во јавноста актуелни се гласините дека се работи за крвна одмазда. Веста за убиството веднаш ја пренесоа и медиумите од регионот. Српски ,,Телеграф” објави натпис насловен: Убиен еден од главните босови на албанска мафија, некрунисаниот крал на проституцијата на Балканот. Против него од 1979 до 2001-ва година полицијата поднела 17 кривични пријави за проституција но тој прв пат,како што пишува Телеграф, беше уапсен и осуден во 2003-та година. Кога излегол од затвор започнал легален бизнис во туризмот и угостителството.

Пораки до Џафери: Деловникот е најдоброто оружје против диверзантите од ВМРО-ДПМНЕ

0

Талат Џафери, претседателот на Собранието, и парламентарното мнозинство треба да покажат решителност и поголема храброст за да ја окончаат диверзијата на Собранието што речиси два месеца ја спроведува партијата на Никола Груевски.

Вакви пораки веќе една недела јавно упатуваат експерти и поранешни функционери на адресата на собранискиот спикер – го повикуваат како оружје против саботажата на законодавниот дом да го употреби Деловникот, односно членот 33, став 2 кој вели дека „пратеничката група ја сочинуваат најмалку пет пратеника кои припаѓаат на една или на повеќе политички партии“ и да не дозволи негово двосмислено толкување.

Рафис Алити, поранешен потпретседател на Собранието во изјава за Плусинфо вели дека претседателот на Собранието треба да ги употреби сите деловнички механизми и да го одблокира Собранието. Според Алити, недозволиво е во парламентот да има бесконечно долги дискусии, кои, пред се, не се однесуваат на поставената тема за расправа.

– Сметам дека освен ограничување на дискусиите, претседателот на Собранието треба да го продолжи работното време и после осум часа. Кога во паралементот се расправаше за тетовскиот универзитет Собранието секој ден работеше до доцна во ноќта. И тогаш имаше опструкции и обиди да се блокира работата – се присетува Алити на жестоките и долги расправи за време на донесувањето на Законот за основање на Државниот универзитет во Тетово.

Универзитетскиот професор Тито Беличанец, уште пред десетина дена преку социјалните мрежи упати порака за деблокирање на Собранието преку Деловникот.

– Деловникот на Собранието во членот 33, став 2 е јасен. Само пратеници од различни партии кои немаат пет пратеници можат да формираат пратеничка група, а не пратеници од една партија која има 51 пратеник да формира повеќе од една пратеничка група. Секако дека пратеничка група, покрај пратеничката група на ВМРО-ДПМНЕ, можат да формираат пратениците од коалиционите партии на ВМРО-ДПМНЕ. Секое друго толкување ја руши смислата на Деловникот – смета Беличанец.

Стојан Андов, поранешен претседател на Собранието на денот кога опозицијата ги формира пратеничките групи за Плусинфо предупреди дека наместо конструктивно политичко делување на опозицијата ќе се случи диверзија на законодавниот дом. Ваквиот чекор, според Андов, нема никаква политичка логика, но има логика во нешто друго – како да се организира диверзија на законодавниот дом.

Ѓорѓи Спасов, поранешен пратеник и министер за правда, пак, оцени дека Талат Џафери и парламентарното мнозинство мора да демонстрираат моќ и храброст за отстранување на оваа блокада и на многу други што се најавуваат со бројните интерпелации за министрите, иако не поминале ниту 100 дена од формирањето на владата.

– Џафери и парламентарното мнозинство мора да сфатат дека битката со режимот на Груевски не е завршена и ако не се одважеа да ја прекинат блокадата за конститурање на Собранието денес уште не ќе имавме избрано ниту претседател на Собранието ниту Влада – потсетува Спасов.

Порака за укинување на десетте пратенички групи на ВМРО-ДПМНЕ со автентично толкување на собранискиот Деловник преку социјалните мрежи упати и Мирјана Најчевска, борец за човекови права и експерт по домашно и меѓународно право.

„Имунитетот на пратениците не им е даден со цел што сакаат да зборуваат, да тресат зелени и да се измотаваат, а за тоа да не трпат никакви последици, туку да можат да одлучуваат, да поставуваат на дневен ред и контраверзни теми, да ги застапуваат интересите на миноризирани групи, да отвораат расправа за прашања кои се проблематични за голем дел од граѓаните. Значи, во случајов не станува збор за заштита на некое право да се биде глуп и за тоа да не се сносат никакви последици, туку за право да се биде вистински репрезент на што е можно поголем број граѓани“, порача Најчевска.

Надмудрувањето на пратениците продолжи и денеска на десеттото продолжение на расправата за разрешувањето на Зврлевски. Опозицијата со реплики и контрареплики упорно тврдеше дека има поважни прашања за расправање (пожари, депонии, интерпелации) отколку да се дебатира за работата на јавниот обвинител.

Жена паркираше и падна со автомобилот од седми кат

0

На социјалните мрежи се појави видео, на кое се гледа обидот на жителка на американскиот град Остин да паркира во катна гаража. Нејзиното возило паѓа од голема височина и за малку ќе смачкаше друг автомобил, кој се движел долу на тротоарот.

Вилијам Бирч, кој возел Шевролет Тахое раскажува дека веднаш штом слушнал бучава над главата, сфатил дека треба да се премести од местото на кое се наоѓал, пишува „Дејли Меил“.

Во Струга убиен Дилавер Бојку Леку

0

Познатиот осуденик за нелегална проституција од струшкото село Велешта, Дилавер Бојку – Леку, пред еден час бил убиен пред својата кафеана на плажа во Струга, јавуваат дел од македонските медиуми, повикувајќи се на полициски извори.

Пукањето се случило околу 17 часот пред посетителите на кафеаната на плажата Аква блу. Се наведува дека Бојку бил застрелан со куршум во главата и оти полицијата врши увид.

Димовски: СДСМ не се откажаа од идејата да носат антидржавен закон за двојазичност на цела територија на Република Македонија

0

Колегите од СДСМ конструктивно се откажа од дискусијата за разрешување на Марко Зврлевски, но исто така колегите од СДС конструктивно се откажаа од дискусијата за информацијата за пожари, изјави пратеникот од ВМРО-ДПМНЕ, Илија Димовски на денешното продолжение на собраниската седница за разрешување на јавниот обвинител.

– Конструктивно се откажаа од отворената дискусија со договорот со Бугарија, одбегнуваат да дискутираат за плановите на Владата на Република Македонија за населување на неколку десетина илјади мигранти и делење на државјанства на мигранти. Конструктивно се откажаа од иницијативата да дискутираме за проблемот со депонијата во Струга, од идејата да дискутираме за продолжување на породилното отсуство, од идејата да дискутираме за зголемување за 5% на платите на вработените во армија, полиција здравство, образование, истакна Димовски.

Димовски додаде дека пратениците од СДСМ не се откажаа од идејата да ги сменат сите директорски позиции во Република Македонија, од идејата да ги кршат законите кога назначуваат в.д. раководители надвор од институциите и дека во градовите низ Македонија има преку 500 спротивни на закон назначувања.

– Не се откажаа од идејата со антидатирања да назначуваат лица и во неделата после распишување на изборите. Назначуваат лица за раководители на институции една недела после распишување на изборите и ги антидатираат документите на 5-ти август и претходно заради тоа што дека членот 8-а важи за сите. Тоа прашање еден ден ќе се отвори зошто сите документи се антидатирани, рече Димовски.

Димовски исто така потенцираше дека СДСМ воопшто не се откажаа од идејата да снема 177 милиони евра од државните девизни резерви и дека не се откажаа од идејата за 101 милион да го зголемат задолжувањето на Република Македонија, а утре е планирано ново од 44 милиони.

– Не се откажаа од идејата македонскиот јазик да биде понижен и ставен како јазик од втор ред при вчерашната прослава, не се откажаа од идејата да носат антидржавен закон за двојазичност на цела територија на Република Македонија, нагласи Димовски.

Таравари преку ФБ им одговори на ВМРО – ДПМНЕ

Mинистерот за здравство, Арбен Таравари, преку својот ФБ профил им одговори на ВМРО – ДПМНЕ. Во неговиот статус стои:

Здраво ВМРО,

Тука сум, во Гостивар и во Скопје, секој ден на работа, ниту еден единствен ден не сум бил на одмор, само за ваша информација.
Како второ, кажете која е пациентката што починала од труење на крвта, има ли име и презиме, ако има треба да се пријави во надлежните институции за да се превземаат мерки! Меѓутоа и вие знаете дека нема таков случај.
Како трето, вие немате кредибиитет и релевантност да зборите за етика и морал, ве слушавме цела година се што сте местеле, апселе и краделе….место да измислувате приказни за деца, почнете да се реформирате и да ги исчистите своите реедови од криминалци и лопови, бидејќи знам дека и меѓу вас има чесни и добри луѓе, кои треба да ја водат конструктивната опозиција.
И сосема на крај, ја чекам интерпелацијата, време е.

Дачиќ: Косово нема да влезе во УНЕСКО

0

Cрпскиот министер за надворешни работи Ивица Дачиќ изјави денеска дека во септември со претседателот на Србија, Александар Вучиќ ќе присустува на седница на Генералното собрание на Обединетите нации, каде ќе бидат продолжени разговорите со државите за прашањето за барањето за зачленување на Косово во УНЕСКО.

Тој на годишнината на одбележувањето и поменот за убиените српски деца во Гораждевац ја нагласи силната дипломатска активност, кога е во прашање лобирањето меѓу државите-членки на ОН против приемот на Косово во УНЕСКО.

Дачиќ нагласи дека Косово во УНЕСКО нема да биде примено, бидејќи сега против тоа ќе бидат и оние држави кои биле воздржани.

Во тој контекст, додаде тој, Србија по тоа прашање веќе го победила Стејт департментот, кој претходно, како што рече „правел список со држави кој како ќе гласа“.

Тој истакна дека Србија испратила свои претставници во дваесетина земји за да лобираат против гласањето на тие држави за прием на Косово во УНЕСКО, напоменувајќи дека многу држави всушност не знаат за кој проблем станува збор.

– Тоа не се пратеници, кои ќе решат некои проблеми. Треба да информираат некои земји за што станува збор. Ако не сте биле во посета на Узбекистан 25 години не можете да очекувате од него да гласа против приемот на Косово во УНЕСКО, појасни Дачиќ.

Дачиќ исто така потсети дека редовната полугодишна сесија на Советот за безбедност на ОН, посветена на Косово ќе се одржи на 16 август

Стружанец пазарел со фалц илјадарка

MВР информира дека по целосно документирање на случајот, против него ќе биде поднесена соодветна пријава.

Стружанецот Ј.Ѓ. на возраст од 42 години, во маркет во Струга пазарел со фалсификувана банкнота од 1.000 денари.
МВР информира дека по целосно документирање на случајот, против него ќе биде поднесена соодветна пријава.

Али Ахмети – Имплементацијата на Охридскиот Договор, заслуга на албанските политички партии

Oхридскиот Рамковен Договор немаше да се реализира до оваа фаза без помошта на албанските политички партии во Македонија. Оваа го изјави лидерот на Демократската Унија за Интеграција Али Ахмети.

Си нашол помлада девојка и ја избркал сопругата: Следниот ден гледал ТВ и останал во шок!

0

Холанѓанка која, за време на бракоразводната парница, на лото освоила 2,1 милиони евра, позитивно ја изненадила пресудата на холандскиот суд по која не мора да ја подели со поранешниот сопруг кој отишол со помлада жена.
Во објаснувањето на Амстердамскиот суд стои дека брачниот пар направил попис на имотот кои требало да се подели во моментот кога е поднесено барањето за развод -20.10.2014, а разводот на бракот е одобрен во јуни 2015 година.
Холаѓанката 2,11 милион евра на лотаријата ја освоила 1.јануари 2015 година.
Во бракот не им се посреќило
Пресудатa на нејзиниот поранешен сопруг не му одговарала, па нaвел дека тој и поранешната сопруга во текот на триесетгодишниот брак секогаш уплатувале на игри на среќа со заеднички пари од дома и смета дека добивката треба да биде поделена.
Судијата одговорил дека имал увид на фактот дека холандскиот пар ги поделил заедничките финансии најмалку четири години порано, зашто отишол да живее со новата партнерка. неговататогашна сопруга, истакнал судијата, лотото го уплатила со пари од сопствената банкарска сметка, поради што добивката не е заедничка.
Пресудата е донесена на 23 декември, а објавена во вторниот. Судијата го поделил преостанатиот имот во вредност која вкупно изнесува од 10.000 евра.

Експлозија во Охрид: Едно лице повредено

0

Експлозијата се случила околу 23 часот, во стан на прв кат на улицата „Сатеска“, кога дошло до силна детонација што предизвикала и материјална штета на објектот и на возилата паркирани во непосредна близина, како и вознемиреност кај жителите на станбената зграда.

Набргу по детонацијата на самото место пристигнала екипа на територијалната противпожарна единица која го изгаснала пожарот, како и полиција која изврши увид што треба да ги покаже причините и околностите за настанот. Првично се проценува дека станува збор за експлозија на неисправна боца за плин.

Инаку, повредениот е пренесен во Општата болница во Охрид со полесни телесни повреди и е надвор од животна опасност.

ФОТО: Заев ја следи модата на Еди Рама

0

Ниту еден политички потег не го прослави албанскиот премиер толку многу колку што го прослави модниот избор на официјалните средби со европскиот и американскиот политички врв. Европејците му прогледаа низ прсти, кај Американците не помина албанската лежерност, но секако најголем успех за албанскиот премиер е тоа што доби следбеник.
Вечерва неговиот колега Зоран Заев е на трибините на арената „Филип Втори“ и во друштво на Талат Џафери ужива во европскиот фудбалски спектакл.

-Нашето остро око забележа дека за оваа пригода Заев избрал полежерен модел обувки, како што обично носи и неговиот колега Рама. Сепак, Заев не се осмелил да облече бели обувки, туку црни со бела гума, пишува Република.

За првпат и не е малку, а изгледа на добар пат е да стане Рама.

Суперкупот ја исплати Арената „Филип Втори“: 20 милиони евра ќе влезат во Македонија поради натпреварот меѓу Реал и Јунајтед

0

Според прогнозите, турнистите кои специјално ќе бидат во земјава за мечот од Суперкупот ќе потрошат меѓу 15-20 милиони евра во хотелите, рестораните, за посета на културните знаменитости, транспортсни услуги, шопинг центри… Ова се проценките на порталот „Маркетинг 365“, пренесува Фудбалската федерација на Македонија на својата интернет страница.

Ова е уште еден математички доказ на исправноста од одлуката да се вложи во реновирање, надградба и доградба на стадионот во Скопје кој од Градски стана Арена „Филип Втори“. Вложувањето во спортот, особено оваа одлука, беа често жестоко критикувани од тогашната опозиција, меѓу кои предничеше градоначалникот на Општина Центар Андреј Жерновски, сеејќи паника дека северната трибина можела да падне и да се сруши.

Но, наместо неговите црни сценарија, Скопје и Македонија заблескаа во златен сјај со добивањето организација на овој најголем спортски настан кој се случил во историјата на нашата држава кој според проценките, само за овој натпревар ќе придонесе во инкасирање на 20 милиони евра свеж кеш во нашата земја.

Се разбира дека тоа немаше теорија да се случи доколку во Скопје го немавме новиот стадион кој со само еден организиран натпревар на него во Македонија врати 20 милиони евра. Без оглед на политичката определба во табори, ова е уште еден доказ за далековидоста и економското знаење на Владата која ја предводеа Никола Груевски и ВМРО-ДПМНЕ.

Пукање од автомобил во движење во Скопје- едно лице рането

0

Како што информира денеска МВР, инцидентот се случил вчера околу 17:00 додека Н.А. (37) се движел со своето возило по улицата „Алија Авдовиќ“.

Непознатото лице го напуштило местото на настанот.

Повредениот Н.А. (37) бил погоден со проектил во пределот на левиот колк, а со возило на Итна медицинска помош бил пренесен во Ургентениот центар. Се превземаат мерки за целосно расчистување на случајот.

ДРАМА НА СВАДБА: Почитувани гости, младенците се разелија, но вие сакате да продолжиме или не?

0

Една свадба во регионот на косовскиот град Призрен, заврши речиси не почната. Млада брачна двојка се раздели на самиот ден на свадбата, во мигот пред да влезат во салата за прослави, која беше преполна со гости во очекување на младенците, објави порталот Албеу.

Според истиот извор, гостите ги очекувале младенците да влезат во салата, кога пејачот ги известил дека тие се разделиле, но и веднаш ги прашал сватовите дали сакаат да проджат со веселбата или не.

– Почитувани гости, младенците се разелија, но вие сакате да продолжиме или не?, прашал пејачот.

На ова, според порталот, сватовите гласно извикале: „Даааа!“. – Вакви нешта се случуваат, а ние ќе продолжиме да се забавуваме, изјавил еден од сватовите и продолжил со орото.

Роналдо сепак доаѓа во Скопје

0

Иако беше најавувано дека најголемата ѕвезда на Реал Мадрид нема да дојде во Скопје, сепак Кристијано Роналдо ќе биде дел од „кралскиот тим“ на утрешниот УЕФА Супер куп натпревар против Манчестер Јунајтед.

Роналдо е во составот на Зинедин Зидан, кој утре ќе биде на арената „Филип Втори“, но засега не се знае дали ќе игра.

Роналдо, кој имаше продолжен одмор поради настапот на Португалија на Купот на Конфедерации, почна да тренира пред два дена, но сепак се најде во составот од 24 фудбалери, објавен денеска, со кои европскиот првак ќе допатува во Македонија.

Во составот се наоѓаат: Навас, Касилја, Лука – голмани; Карвахал, Валјеро, Рамос, Варан, Начо, Марсело, Тео, Ахраф – одбрана; Крос, Модриќ, Касемиро, Маркос, Асенсио, Иско, Ковачиќ, Себалос – среден ред; Кристијано Роналдо, Бејл, Бензема, Лукас, Мајорал – напад. Тренер: Зинедин Зидан.

Фановите ги чекаат Кралевите и Ѓаволите на скопскиот аеродром

0

Неколку стотини верни навивачи на Манчестер Јунајтед и на Реал Мадрид, кои утревечер во Скопје ќе играат за Супер Купот 2017, се собраа на скопскиот аеродром „Александар Велики“ да ги пречекаат своите миленици.

Според строгите правила, пристап е дозволен само во делот на терминалите за пристигнување и, според најавите, силното обезбедување нема да дозволи никаков пристап до светските фудбалски ѕвезди од двата тима.

Заев: Со законот ја унапредивме употребата на јазиците на сите заедници

0

Со усвојувањето на Законот за употреба на јазиците се унапредува употребата на јазиците на сите заедници во Македонија. Сите одредби во законското решение се согласно членот 5 од Уставот, а пакетот законски решенија го упатуваме на усвојување во парламентот. Откако ќе биде усвоен тој ќе биде испратен на разгледување пред Венецијанската комисија, со предложените отворени прашања кои не се дел од овој закон, изјави во Охрид премиерот Зоран Заев. Тој заедно со вицепремиерот задолжен за спроведување на Рамковниот договор, Хазби Лика дадоа појаснувања во врска со вчера усвоеното законско решение.

Џафери утре ќе ги распише локалните избори

0

Претседателот на Собранието на Република Македонија, Талат Џафери, утре напладне ќе ги распише локалните избори кои треба да се одржат на 15 октомври, соопштија од неговиот кабинет.

Изборната кампања, според најавите, треба да започне на 25 септември.

На изборите, ќе се бира градоначалник на Град Скопје, градоначалници на општините, како и членови на општинските совети.

Заев: Нема причини за одложување, локалните избори ќе се одржат на 15 октомври

0

Парламентарните партии во Македонија се договорија локалните избори да се одржат на 15 октомври, а досега не гледам никакви причини за нивно одложување, изјави во Охрид премиерот Зоран Заев одговарајќи на новинарско прашање.

Постапките за избори партиите ги започнаа порано, затоа што имаше други датуми за дефинирање на кандидатите за градоначалници, кои потоа беа прекинати поради развлекувањето на изборот на Влада и формирањето на парламентарното мнозинство. Јас мислам дека утре претседателот на Собранието ќе донесе решение за распишување на локалните избори коишто согласно законот е дефинирано да бидат распишани од 70 до 90 дена до денот на нивно одржување, рече Заев.

Запрашан со кој кандидат СДСМ ќе оди на локалните избори во Охрид, Заев истакна дека за тоа ќе одлучат анкетите. „Да ги видиме најдобрите кандидати, не за Заев. Спасовски, Шекеринска, туку за граѓаните, да видиме кој кандидати тие ги сакаат за татко или мајка на градот“, рече Заев.

ВИДЕО: Сообраќајна несреќа кај хотел Континентал со неколку луксузни возила

Тешка сообраќајна несреќа кај хотел Континентал во правец кон Бит Пазар во која учествувале неколку луксузни возила меѓу кои БМВ, Мерцедес.

Засега не се познати причините за сообраќајната незгода ниту пак дали евентуални жртви и повредени лица.



01020304050607

Османи и Адеми на албански јазик ја соопштија веста за законот на Фејсбук

Вицепремиерот Бујар Османи и министерот без ресор задолжен за дијаспората Едмонд Адеми на албански јазик ја соопштија веста дека на вечерашната владина седница поминал Законот за употребата на албанскиот јазик.

Вицепремиерот и министер за евроинтеграции Бујар Османи на својот Фејсбук профил напиша дека предлог законот поминал и дека го содржи знакот на Европската унија, што значи дека станува збор за приоритетен закон кој треба да се донесе преку брза постапка. Османи напиша дека со ова практично сме на чекор до затворање на едно од главните прашања од спроведувањето на Охридскиот рамковен договор.

Едмонд Адеми, пак, порача:

„Законот за јазици е дел од владината програма, меѓу коалиционите партнери и е резултат на заедничка работа. Секое друго толкување е поврзано со популизам. Затоа, оставете го тоа настрана“.

Аларматна состојба со пожарите – вечерва гори на 25 локации

0

Активни се повеќе пожари во неколку плански региони во државата – северниот (скопски), тетовско-полошкиот, југозападниот и повардарскиот плански регион.

Центарот за управување со кризи соопшти дека се уште е активен пожарот во атарот на селата Требовље и Растеш и во негово гаснење се ангажирани АРМ, два хеликоптери (интервенирале попладнето), месното население од селата и доброволци од Кичево, Прилеп и Скопје.  Пожарот од атарот на сeло Растеш, како што се наведува, се проширил во атарот на село Волче, а не се исклучува можност да се прошири и во атарот на населените места Битово и Заград.

Пожарот на атарот на селото Близанско, местата викани Брдо и Круша повторно се активира и се движи кон местото викано Фојник.

Во гаснењето на пожарот во село Девич ангажирани се лица од Шумско стопанство „Сандански“ – Македонски Брод и пожарот го контролираат и горните куќи од селото не се загрозени, но пожарот е активен и со намален интензитет на местото викано Попец.

Од ЦУК посочуваат дека на пожарот во атарот на село Могилец интервенираат Територијалната противпожарна единица Македонски Брод, лица од месното население и лица од Шумско стопанство „Сандански“. Пожарот, како што се истакнува, се шири кон атарите на селата Клуќерец и Инче кон местото викано Даб, како и кон атарот на село Модриште. Гори дабова и борова шума. Од 17 часот интервенираат и два авиони на Дирекцијата за заштита и спасување. Во село Могилец опожарени се две напуштени дотраени куќи, три куќи во кои живеат луѓе од селото и една куќа е делумно оштетена. Интервенира и Територијална противпожарна единица Прилеп.

Попладнето се појавил појавил пожар кај село Осинчани, за што испратена е екипа од Бригадата за противпожарна заштита на град Скопје да интервенира. Во овој реон избувнал пожар и кај село Јаболце во општина Сопиште. Примена е дојава и за пожар над село Волково за што се известени Шумско стопанство Караџица и БППЗ на град Скопје во општина Ѓорче Петров. Исто така, примена е дојава за пожар над селото Бојане кон селото Копаница во општина Сарај, истакнуваат од ЦУК.

Оттаму потенцираат дека пожарот кај село Орешани е активен, попладнето ја поминал Орешанска река и оди кон село Вражале. Зафатена е нискостеблеста шума – смрека. Исто така, има дојава дека пожарот на Матка повторно се активирал. Според информациите од теренот, пожарот ја сменил насоката кон манастирот Шишевски. Екипа на ЈП „Паркови и зеленило“, како што се посочува, веќе работи на сртот бидејќи теренот е непристапен.

Пожарот кај Барово брзо се разгорува и може да ја зафати боровата шума кон Водно. На лице е упатена екипа од ЈП „Паркови и зеленило“.

За пожарот кај село Моране, дејствуваат екипи на БППЗ. Покрај ова БППЗ надвор од градот имаат екипи во Долна Матка, селата Рашче и Елово во општина Студеничани, како и во село Никиштани во општина Ѓорче Петров).

Пожарот во атарот на село Подвис се уште е активен. Од ЦУК информираат дека гори нискостеблеста деградирана дабова шума, сува трева и стрништа. Поради високите температури, правецот на ветерот и непристапноста на теренот отежнато е гаснењето. Пожарот се шири од пределот по ридот према село Алданци. Во соработка со ЕЛС Крушево, во раните утрински часови ќе бидат испратени екипи од ТППЕ и ЕЛС Крушево за негово гаснење. Пожарот во атарот на селата Дрен – Смолани, е активен и веќе се проширува на горниот дел на планината. Зафатена е претежно ниско стеблеста дабова шума, чалија, смрека и др. Екипата е се уште на местото на настанот, а се работи за непристапен терен.

Во реонот на Тетово, како што се наведува, активни се два пожари на отворен простор и тоа над село Копанце, каде гори површина обрасната со сува трева и ситна деградирана шума на планината Жеден. Истиот по сртот на планината е проширен кон село Туденце, а се движи и во правец на село Бојане во општина Сарај.

Во атарот на село Гургурница во општина Брвеница активен е пожарот со кој гори сува трева и пасишта. Во гаснење на пожарот учествуваат лица од месното население. Во општина Гостивар, активен е пожарот во атарот на село Корито, каде нема можност да се интервенира, истакнуваат од ЦУК.

Активен е и пожарот во атарот на село Дреново, во месноста Дреновска Корија и е зафатена шума под даб, јасен и бука, на голема површина. Во меѓувреме појавени се уште два пожара на блиска локација. На терен биле лица од Шумско стопанство „Бабуна“ – Велес. Пожарот полека се движи кон планината Лисец.

Пожарот во атарот на с.Богомила кој се закануваше да го зафати манастирот „Св.Спас“ и селото Богомила е изгаснат со помош на авионите на Дирекцијата за заштита и спасување и екипи на Шумско стопанство. Другиот дел од пожарот е активен и се движи кон прилепска страна. Пожарот на падините на Горна Јакупица е активен, а теренот е непристапен за гасење, соопштија од ЦУК.

Вардар го извлече Фенербахче, Шкендија против Милан

0

Македонските претставници во Лига Европа, Вардар и Шкендија, на денешната ждрепка во Нион добија атрактивни, но исклучително тешки противници. Фенербахче, односно Милан, се ривалите на Вардар и Шкендија.

Двата клуба (Фенербахче и Милан), кои имаат многубројни свои симпатизери во Македонија, ќе се соочат со Вардар, односно Шкендија, во плејофот за пласман во главната фаза во Лига Европа.

Според денешната ждрепка, Вардар и Шкендија ќе бидат домаќини во првите натпревари.

Првите натпревари ќе се одиграат на 17 август, а реваншите се на програмата на 24 август.

Откриен човечки труп по гаснењето на пожарот во Љуботен

Во Љуботен било откриено човечко тело кога бил изгаснат пожарот што горел на ливада.

Според информациите на МВР, вчера во 23:30 часот во полиција било пријавено дека во село Љуботен била запалена меѓа од ливада.

Кога пожарот бил изгаснат, откриено е изгоренo човечкo тело.

Идентитетот на жртвата не е познат. Исто така, не е познато дали човекот загинал во пожарот или смртта настапила пред да биде разгорен огнот.

Телото е предадено на обдукција, а полицијата работи на целосно расчистување на случајот.

Киднапирано, па ослободено 16-годишно девојче во Гостивар

Во полициската станица во Гостивар е пријавен случај на киднапирање на 16-годишно девојче.

Настанот се случил вчера, околу 20:40 часот, кога од МЦ Гостивар се јавиле во ПС Гостивар и пријавиле дека кај нив за преглед се јавило 16-годишно девојче од гостиварско село и им кажале дека била противправно лишена од слобода.

По извршениот разговор во присуство на работник од Центарот за социјални работи, девојчето изјавило дека истиот ден, околу 17:00 часот, на враќање од продавница, во близина на нејзината куќа, застанало ПМВ во кое имало три непознати лица, од кои еден на сила ја внел во возилото.

По кажување на истата, со возилото се возеле околу 20 минути во непознат правец, по што влегле во напуштена хала, од каде околу 19:00 часот ја вратиле дома.

Се преземаат мерки за целосно расчистување на случајот.

Кривична против скопјанецот кој силуваше 6-годишно девојче

Полицијата поднесе кривична пријава против скопјанецот што минатиот месец силуваше шестгодишно дете, со кое бил во роднинска врска.

Против Б.М. (25) е поднесена пријава за сторено кривично дело полов напад врз дете кое не наполнило 14 години.

Според информациите на МВР, на 27 јули, во село Скопско Поле, на место наречено Кучманово, пријавениот, кој живее во ист двор со семејството на детето и се роднини, забележал деца како играат, меѓу кои била и жртвата.

Тој го замолил девојчето да му наполни вода, а по кратко време откако тоа влегло во куќата на пријавениот, тој извршил полови дејства над него.

Тетовец сам се застрелал со пиштол

Триесет и седумгодишен жител на тетовското село Чифлик се застрелал со пиштол додека проверувал дали има куршум во цевката.

Според информациите на МВР, вчера, во 15 часот, во село Чифлик, Тетовско, Х.М. (37) сам се повредил со пиштол.

Откако ги однел членовите на семејството на свадба кај својот чичко, се вратил дома со цел да провери дали е сè затворено и од спалната соба земал пиштол „ЦЗ“ калибар 9 мм и се упатил на свадба.

При проверка дали пиштолот има куршум во цевката, пиштолот испалил, по што Х.М. се застрелал во нога.

Тој е префрлен во Клиничка болница Тетово.

Куманово: Момче претепано со секира во работилница

Според информациите на МВР, вчера во 16 и 30 часот, во механичарска работилница на улица „Христијан Карпош“ во Куманово, лицата Б.С. од село Ропаљце, А.Д. од село Черкезе и уште две непознати лица извршиле насилство над М.С. (20) од Куманово.

Тие го удирале во пределот на грбот со рачка од секира, при што му нанеле телесни повреди.

Полицијата ги утврдува причините за нападот.

Именувани нови директори на пет клиники во Скопје

0

Министерството за здравство информира дека се именувани нови директори во следните јавни здравствени установи:

Институт за трансфузиона медицина на РМ – д-р Кочо Димитровски
Клиничка болница Битола – д-р Зоран Лазаров
Општа болница Кавадарци – д-р Диме Коцев
Општа болница Велес – д-р Димитар Стровјански
Универзитетска клиника за дигестивна хирургија – д-р Зоран Караџов
Универзитетска клиника за детски болести – д-р Катерина Ставриќ
Универзитетска клиника за психијатрија- д-р Стојан Бајрактаров
Универзитетска клиника за неврохирургија – д-р Владимир Рендевски
Универзитетска клиника за максилофацијална хирургија – д-р Славе Наумовски
Завод за физикална медицина и рехабилитација-Скопје – д-р Маја Манолева
Здравствен дом Битола – д-р Весна Спировска
Здравствен дом Крива Паланка – д-р Бранко Стаменковски
Здравствен дом Кратово – д-р Љупчо Бојаџиев
Здравствен дом Виница – д-р Венцо Вијунов
Здравствен дом Пробиштип – д-р Гоце Неделковски
Здравствен дом Струмица – д-р Љубица Митева
Завод за слух, говор и глас Битола – д-р Дивна Најдовска

Воедно е разрешен и економскиот директор на Клиниката за гастроентерохепатологија, соопшти Министерството за здравство.

Еве кои 20 директорски места ги добива ДР-ДПА

0

ДР-ДПА добива 20 директорски места, дознава од партиски извори Тtv 21

Партиски кадар од оваа партија ќе застане на чело на КПД Идризово, Завод за ревизија, Републички совет за безбедност, Јасен, Стоматолшки клинички центар, Државен пазарен инспекторат, ЈЗУ за нефрологија во Струга, ЈЗУ клиника за очни болести, Државно правобранителство на Р.М., Биро за судски вештачења, Градска библиотека Скопје ( НУБ Климент Охридски), Агенција за енергетика, Биро за равој на образование, Државен испитен центар, Државен инспекторат за шумарство и ловство, ЈУ Меѓуопштински центар за социјални работи Струга, Институт за духовно наследство за Албанците, ПИОМ, Управа за имотно-правни работи и Биро за судски вештачења.

Од Понеделник на јавноста ќе им бидат откривани нови скандали за функционерите на ВМРО – ДПМНЕ 1 Авг 04, 2017КолумниLike

0

Најава: На 07.08 (понеделник), продолжува со работа веб порталот Буревесник. Продолжува со експлицитна тема, заташкан секс скандал во врвот на АРМ.

Па потоа ќе си оди се по ред, како што е ред…

Ова на својот фејсбук профил го напиша новинарот Зоран Божиновски, кој пред да биде ставен во притвор објавуваше скандалозни информации за функционерите на ВМРО – ДПМНЕ.

Со оглед на тоа дека, според Божиновски, тој е предмет на  случај против него, се очекува и новите информации да се однесуваат токму на функционерите на ВМРО – ДПМНЕ.

МВР објави оглас за вработување на 500 нови полицајци

0

Министерството за внатрешни работи распиша јавен оглас за вработување на 500 нови полицајци, од кои 360 ќе бидат распределени во СВР Скопје, во СВР Охрид – 30, во Битола, Струмица, Штип, Куманово и во Велес по 20 полицајци и во СВР Тетово – 10 полицајци.

Во продолжение ви го пренесуваме текстот на огласот:

„Поконкеретно, во однос на огласот за прием на полициски службеници, предвидено е најголемиот дел од нив да бидат распоредени на подрачјето на Секторот за внатрешни работи Скопје 360 извршители; потоа во Сектор за внатрешни работи Битола 20 извршители; во Сектор за внатрешни работи Охрид 30 извршители, во Сектор за внатрешни работи Струмица 20 извршители; во Сектор за внатрешни работи Штип 20 извршители; во Сектор за внатрешни работи Куманово 20 извршители; во Сектор за внатрешни работи Тетово 10 извршители и во Сектор за внатрешни работи Велес 20 извршители.

Избраните кандидати ќе склучат договор за основна обука за кандидат за полицаец во времетраење од една година, која ќе се спроведе во Центарот за обука и на истата се упатуваат за 10% поголем број кандидати за полицаец од бројот на слободни места за кои е распишан овој оглас. По завршување на основната обука, Министерството за внатрешни работи со кандидатот за полицаец, кој ја завршил основната обука за полицаец и кој врз основа на постигнатите резултати соодветно е внесен во ранг листата, склучува Договор за вработување во Министерството, со кој кандидатот за полицаец се стекнува со статус „полицаец – приправник“.

Министерството за внатрешни работи УКАЖУВА дека, согласно закон, полицаецот со договорот за вработување се обврзува да остане на работа најмалку пет години на работно место „полицаец“ сметано од денот на склучувањето на договорот за вработување. Во спротивно, истиот е должен да ги надомести трошоците направени за неговата обука зголемени за три пати.

Кандидатите за полицајци треба да бидат државјани на Р. Македонија; да се полнолетни, а да не наполниле 25 години ако за првпат заснова работен однос на работно место во Министерството за кое е предвидено средно образование; активно да го користат македонскиот јазик; со безбедносна проверка да се утврди дека не постои безбедносен ризик од нивно вработување; да имаат завршено најмалку четиригодишно средно образование, да се здравствено и психофизички способни и со правосилна пресуда да не им е изречена казна забрана на вршење професија, дејност или должност.

Во однос на посебните услови се бара висина од најмалку 175 см. (маж), односно 165 см. (жена) и висока лична физичка подготвеност.

Заинтересираните кандидати при конкурирањето во оригинал или копија заверена на нотар треба да достават извод од матична книга на родените, -диплома за завршено четиригодишно средно образование; доказ дека со правосилна пресуда не е изречена казна забрана за вршење професија, дејност или должност и две фотографии, со димензии 3,5 см х 4,5 см.

Пријавата со потребната документација, кандидатите се должни да ја поднесат ЛИЧНО во едно од определените места за пријавување, и тоа: на подрачјето на СВР Скопје во Полициските станици од општа надлежност-Гази Баба, Бит Пазар и Карпош или во просториите на останатите сектори за внатрешни работи.
При поднесување на пријавата лицето треба да го наведе бројот на организациската единица (1. СВР Скопје, 2. СВР Битола, 3. СВР Охрид, 4. СВР Струмица, 5. СВР Штип, 6. СВР Куманово, 7. СВР Тетово и 8. СВР Велес) за која се пријавува. Кандидатот е должен при поднесување на потребните документи, со себе да носи лична карта или пасош за идентификација.
Постапката за селекција на кандидатите ќе ја спроведува Комисија за избор на кандидат за полицаец формирана од страна на министерот и истата се спроведува во следните фази:
-Административна селекција на поднесената документација (утврдување на навременост и потполнетост на поднесената документација, како и исполнетост на пропишаните услови);
-Проверка на моторички способности (за мажи: најмалку 9 склекови за 10 секунди, најмалку 16 стомачни подигања за 30 секунди, скок во далечина од место со минимална должина од 220см, спринт на 20 метри за најмалку 3,35 секунди, спринт на 100 метри за најмалку 15 секунди и трчање на 1500 метри за најмалку 5,25 минути и за жени: најмалку 6 склекови за 10 секунди, најмалку 12 стомачни подигања за 30 секунди, скок во далечина од место со минимална должина од 160 см, спринт на 20 метри за најмалку 3,50 секунди, спринт на 100 метри за најмалку 18 секунди и трчање на 800 метри за најмалку 3 минути, и други физички проверки определени од страна на Комисијата)

-Психолошки тест (проверка на интелектуалните и емоционалните способности)

-Писмено тестирање (општообразовен тест),

-Интервју (поединечен устен разговор со пријавеното лице),

-Безбедносна проверка (утврдување на безбедносен ризик) и

-Здравствени прегледи (проверка на здравствените и психофизичките способности на кандидатите).

Министерството ќе врши безбедносна проверка на пријавените лица врз основа на нивна претходна дадена писмена согласност. Доколку лицето ја одбива безбедносната проверка, ќе се смета дека не ги исполнува условите за засновање на работен однос.

Здравствените прегледи во постапката за селекција за проверка на здравствените и психофизичките способности на кандидатите се утврдуваат од страна на Здравствена комисија формирана од министерот.
При спроведување на селекцијата на пријавените лица им се овозможува под еднакви услови да ги демонстрираат своите способности, независно од полот, расата, бојата на кожата, националното и социјалното потекло, верско уверување, имотна и општествена положба.

Потребната документација кандидатите ја доставуваат секој работен ден во рок од 15 (петнаесет) дена, сметано од денот на објавување на огласот (не сметајќи го денот на самото објавување), во текот на работното време (08,30-16,30 часот)“, стои во огласот објавен на сајтот на МВР.

Владата именува членови на управни и надзорни одбори

0

Владата на Република Македонија на вчерашната 19. седница ги разгледа и ги усвои кадровските предлози и заклучи да именува членови на управни и надзорни одбори во установи, агенции и други органи што се во надлежност на владата.

– Комисијата за кадровски прашања во Владата, за секое лице поединечно, ја проверува содржината на поднесената документација за да се провери дали ги исполнуваат условите за именување и соодветно на фактите, Владата ќе ги објави одлуките во Службен весник на Република Македонија, соопшти владината прес-служба.

На седницата Владата го разгледа ивештајот за работатата на Државниот завод за статистика и усвои одлука за изменување на одлуката за утврдување на националната номенклатура на индустриски производи заради тековно усогласување со европската номенклатура.

Извештајот за работата на АД Македонски железници и транспорт, како и за други активности на ова претпријатие, се одложени поради отсуство на директорот на АД Македонски железници и транспорт.

Меѓу усвоените точки на дневниот ред е и Предлог-законот за ратификација на Спогодба за соработка помеѓу Владата на Република Македонија и Советот на министрите на Босна и Херцеговина во процесот на пристапување во Европската Унија.

На вчерашната седница, како што соопшти владината прес-служб, е донесена одлука со која се доделуваат стипендии на 50 странски државјани со потекло од Република Македонија, од земји во регионот за студирање на државните универзитети во Република Македонија, а исто така Владата на Република Македонија донесе одлука и за бесплатни курсеви по странски јазици за деца од семејства во социјален ризик.

– Заменик претседателката на Владата на Република Македонија и министерка за одбрана, Радмила Шекеринска, која претседаваше со вечерашната владина седница во нејзината завршница детално ги информираше членовите на владата за текот на Самитот на земјите на Јадранската повелба за кој рече дека е многу значаен, од причини што се отвора реална шанса за сериозно позиционирање на земјата во поддршката што ја добива за остварување на стратешките цели, членството во ЕУ и НАТО, соопшти Службата за информирање во Владата.

На седница што се одржа доцна синоќа присуствувал и заменик директорот на Дирекцијата за спасување и заштита Шабан Салиу, кој ги информирал министрите за стостојбата со пожарите во областа на Македонски Брод и на други локации низ земјата.

– Во тој контекст Владата на Република Македонија изрази огромна благодарност до Република Бугарија, како и до Република Турција за испратената помош во справување со пожарите. Беше истакнато дека институциите се на терен сè до конечно гасење и локализирање на пожарите, а беа преземени и обврски да се истражат причините за појава на зачестените пожари на повеќе локации низ земјата, соопштуваат од Владата.

Пожар во највисоката станбена зграда во Дубаи

0

Голем пожар избувна набрзо по полноќ во една од највисоките станбени згради на светот, што се наоѓа во Дубаи, јави Еј-Би-Си Њуз.

Противпожарните екипи се на терен, а засега нема податоци за загинати или повредени.

ВИДЕО: Руски новинар претепан за време на директно вклучување во програма

0

Руски новинар доби удар со тупаница во лицето во текот на директeн вклучување во телевизиската програма од традиционалната прослава на падобранците во Москва.

Никита Развозхаев, репоретер на каналот НТВ извествувал од прославата, додека во позадина се слушало довикување на брадест човек, кој коментирал за односите меѓу Русија и Укриана, но и за работата на телевизијата, за која очигледно смета дека известува во корист на Киев.

Кога Развозхаев го замолил да биде потивок, човекот му се приближил и го удрил со тупаница по лицето.

– Ако така зборуваш со мене, еве што ќе добиеш, додаде насилникот.

Полицијата го откри идентитетот на напаѓачот, кој е идентификуван како „руски националист“ по име Дмитриј Орлов, кој никогаш не служел во падобранскате единица.

Путин: Русија ќе треба да ја напуштат 755 американски дипломати

0
2742089 11/20/2015 November 20, 2015. Russian President Vladimir Putin holds a video conference with Russian military personnel engaged in the Syria operation. Michael Klimentyev/Sputnik

Рускиот претседател Владимир Путин потврди дека 755 американски дипломати треба да ја напуштат Русија, што, според него, е „чувствително количество“, пренесе ТАСС.

– Што се однесува до другите можни мерки или дали тоа е многу или малку, од гледна точка на работата на дипломатското претставништво, ова е многу чувствително прашање. Бидејќи стотици непотребни соработници – дипломати и технички персонал – работеа и се уште работат во Русија, 755 треба да ја прекинат својата активност во Руската федерација, рече Путин во интервју за Федералната државна радио и телевизија.

„Ова е чувствително“, рече тој

– Русија е способна да наметне дополнителни санкции кон САД, но нема да го стори тоа, затоа што тоа ќе им наштети на меѓународните односи, изјави Путин

„Ние, се разбира, имаме што да кажеме и да ги ограничиме таквите сфери на активности од нашата соработка, кои ќе бидат чувствителни за американската страна. Но мислам дека тоа не е потребно, тоа ќе им наштети и на развојот на меѓународните односи“, изјави Путин во интервјуто.

Според него, дури и да дојде до промена во односите меѓу САД и Русија, тоа нема да се случи во скоро време.

„Ние доста долго чекавме да настапи промена кон подобро (во односите меѓу САД и Русија), потхранувавме надеж дека ситуацијата ќе се промени. Но, по се, се чини, дека дури тоа и да се случи, нема да е во скоро време“, изјави тој.

Путин, сепак, изјави дека САД и Русија ќе постигат резултати во соработката дури и „ во оваа доста тешка ситуација“.

Дачиќ: Трајно решение за Косово е разграничување на српското и албанското

0

Министерот за надворешни работи на Србија, Ивица Дачиќ, оценил дека разграничувањето на она „што е српско и што е албанско“ е „единствено трајно компромисно решение“ во дијалогот на Белград и Приштина за Косово и Метохија.

Дачиќ во авторски текст за весникот „Блиц“ најавил дека со претседателот на Србија, Александар Вучиќ, кој го покренал прашањето за внатрешен дијалог, ќе ја провери можноста на разграничување на тој простор.

„Тоа е единствено компромисно решение во договорот помеѓу Србите и Албанците, со посебен статус за нашите цркви и манастири и со формирањето на Заедницата на српски општини на југот на Косово. Доколку се процени дека тоа е неприфатливо, нема да бидам несреќен туку ќе се обидам да го дадам својот придонес во изнаоѓање трајно и реално решениe“, пишува Дачиќ.

Според него, дијалогот за Косово и Метохија го дава одговорот на прашањето „колку сме зрели“.

Косовската Влада ја усвои иницијативата за членство во Интерпол

0

Косовската Влада на денешната седница ја усвои иницијатвата за членство на Косово во меѓународната организација за криминалистичка полиција – Интерпол.

– Иницијативата за членство во оваа меѓународна организација дава голема можност за соработка на Косово со други држави и секако помага во спречувањето на криминалот и борбата во различни форми на криминалитет, смета Бехар Селими, заменик министер за внатрешни работи.

На седницата шефот на косовската дипломатија Енвер Хоџај посочил дека се преземени сите мерки за Косово да биде поддржано од земјите членки при гласањето во Генералното собрание следниот месец.

– Ги презедовме сите неопходни мерки за да обезбедиме поддршка од земјите членки. Од 190 држави треба да бидеме поддржани од 110 за Косово да стане членка на Интерпол, каде аплициравме во 2015 година, изјавил Хоџај.

Тој ги навел придобивките кои Косово ќе ги има во случај да стане членка на оваа меѓународна организација.

– Она што е најважно е секако што косовската полиција ќе има пристап до податоците на Интерпол и ќе имаме можност таа организација во иднина да не се злоупотребува, како што беше злоупотребена од страна на Србија. Постојат многу држави кои се уште не го признале Косово, но покажаа подготвеност за поддршка на неговото членство во оваа организација, истакна министерот Хоџај.

Голем оптимизам за членство на неговата земја во Интерпол изразил премиерот Иса Мустафа, чија Влада е во заминување, а кој смета дека „годинава шансите за тоа се најдобри“.

– Задачите ги завршивме, поддршката постои за во септември да има позитивен резултат, смета Мустафа.

Инаку, косовскиот прв полицаец Скендер Хисени е во работна посета на САД, каде ќе се сретне со постојани претставници на повеќе земји членки на ОН, при што ќе побара поддршка за зачленување на Косово во Интерпол.

Реакции по одлуката на Хрватска, поплаки до ЕУ по зголемените давачки за увоз

Како што пренесуваат балканските медиуми, во понеделник во Сараево ќе се одржи самит на претставници од Србија, Македонија, Босна и Херцеговина и Црна Гора, поради најновата одлука на Хрватска да воводе вонцарински бариери за увоз на земјоделски производи од земји нечленки на ЕУ.

Денеска во врска со тоа е упатено писмо до Европската Комисија. Хрватска го прошири списокот на на овошје и зеленчук кои мора да поминат фитосанитарен надзор на граница доколку доаѓа од трети земји, и определи такси кои се за 22 пати повисоки од досегашните. Оваа мерка најмногу че ги погоди земјите од регионот кои не се членки на ЕУ, Македонија, Србија, Црна Гора и Босна и Херцеговина.

Копенхаген го совлада Вардар

0

Македонскиот фудбалски шампион и покрај предноста од Скопје, сепак не успеа да оствари историски резултат во Лигата на шампионите. Тимот на Гоце Седловски имаше активен резултат се до 15 минути пред крај на натреварот кога по еден кикс на одбраната Данците успеаја да постигнат гол што ги води во следното коло од Лигата на шампиони. Претходно Вардар и покрај брзо примениот гол во втората минута успеа го израмни резултатот,со што на домаќините им требаа најмалку два гола за да обезбедат пласман во следната фаза.

Копенхаген успеа во второто полувреме повторно да поведе, но во 70 минута остана со играч помалку, што значеше нова предност за вардарците. Сепак, пет минути подоцна Копенхаген успеа да постигне и трет гол со што веќе беше со една нога во следна фаза.

Во последните десетина минути Вардар целосно ја отвори играта, но за жал не успеа во намерите да постигне гол. Надежите целосно исчезнаа кога по една контра беше досуден пенал за Копенхаген по што Данците направија недостижна предност од 4-1, што беше и конечен резултат.

Поразот во третата рунда од квалификациите боли до толку повеќе што Вардар имаше одлична можност да направи историски успех и да дојде на чекор од групната фаза од Лигата на шампиони, а врака да има сигурно учество во групите од Лига на Европа.

И покрај поразот, Вардар ги продолжува настапите во плеј оф фазата од Лига на Европа, каде што ќе има уште една можност да обезбеди место во групите од Лига на Европа.

Еколошка катастрофа во Струга, депонијата сè уште чади

Иако во депонијата во Струга нема пожар, местото се уште чади и го загадува воздухот. Неколку транспортни возила и машини го покриваат „ридот“ од ѓубриште на депонијата кој гори веќе од април. Стружани со заштитни маски протестираат по петти пат против, како што ја нарекуваат оваа „еколошка катастрофа“.

Од денеска компанијата за физичко обезбедување „Питон“, ќе ја контролира територијата на депонијата, со цел да се спречи влегување на неовластени лица. Од граѓанската организација „Стружани за Струга“ констатираат дека властите работеле за подобрување на ситуацијата и бараат до почетокот на трансферот на отпадот да се посвети максимално внимание за спречување  пожар во депонијата.

Активистите на оваа иницијатива бараат од Владата на Република Македонија и Општина Струга да ги објават датумите за предвидените мерки во врска со машините за компресија и транспорт на отпадот и рокот за пронаоѓање на трајно решение за менаџирање со отпадот во Струга.

Агим Пошка

Аплаузи и свирежи за Џафери, собранискиот спикер го цитираше Крушевскиот манифест

Со аплауз, но и по некој свиреж, на Мечкин Камен беше пречекан собранискиот спикер Талат Џафери. Ист беше случајот и со министерот за внатрешни работи Оливер Спасовски кој за некои беше задоволство што е присутен, за други пак спротивното. Џафери, кој инаку како претседател на Собранието е и покровител на настанот, за првпат присуствуваше на оваа свеченост. Тој се обрати пред присутните кои за разлика од другите години не беа во ист број. Џафери својот говор го почна со цитат од Крушевскиот манифест.

„Елате браќа муслимани при нас, да тргниме против вашите и наши душмани! Елате под бајракот на „Автономна Македонија. Македонија е заедничка наша мајка и викат за помош. Елате да скршиме синџирите на ропството, да се куртулиме от маки и страданија. Мили наши комшии, како Турци, Арнаути елате при нас браќа, да си слејме душите и срцата и да се спасиме, та ние и нашата чељат и пречељат да живеат мирно, да си работат спокојно и да напредуваат“, го цитираше Џафери Крушевскиот манифест.

За овој цитат Џафери доби аплауз од присутните, и продолжи да говори за современите предизвици со кои се соочува Македонија. Тој истакна дека свеста која ја пред повеќе од 100 години ја поседувале организаторите на Востанието треба да служи како пример за соживот и разбирање, и треба да биде водилка за современите предизвици на Македонија.

„Периодот кој следи, налага многу работа и сериозни а можеби на прв поглед и тешки одлуки и решенија, кои во еден разумен рок ќе ја покажат придобивката за сите граѓани. Собранието на Република Македонија, тука мислам на сите сто и дваесет (120) пратеници и на администрацијата, има капацитет а верувам и политичка волја да ја исполни својата обврска која произлегува од владиниот План познат како 3-6-9“, рече Џафери.

Официјална македонска делегација и годинава не успеа да го посети манастирот Прохор Пчински каде пред 73 години се оддржа првото заседание на АСНОМ. Местото каде пред повеќе од 7 децении се поставени темелите на современата македонска држава низа години од Србија е забрането за посетување од официјални делегации од Македонија.

Антонио Крстевски

Македонија

Еве зошто Србија е бесна на Македонија и ги повлече своите дипломати

Според извори на „Макфакс“, официјален Белград имал информација дека Македонија ќе биде предлагач за гласањето за влез на Косово во УНЕСКО, поточно да ја...

Драма во Идризово: Вооружени и маскирани лица пукале во затворот

Две вооружени маскирани лица синоќа нешто по 21 часот пукале во воздух и се обиделе да влезат во женскиот дел во затворот во Идризово....

Во Струмичко повредени 15 лица во судир на два автобуси и две возила

Петнаесет лица од кои едно потешко се повредени во сообраќајна несреќа која вчера се случила на локалниот пат меѓу селата Банско и Муртино, а...

Хорор во Македонија: Убиен маж, четири лица повредени

Крвава ноќ во Велес. Маж влегол во куќата на соседот и го убил, а повредил уште четири лица, сите членови на едно семејство. Убиецот е...

Една Холанѓанка ги опиша Македонците во 15 реченици!

Ова е листата на 15 најчудни работи за кои ми требаше доста време да ги сфатам, пишува таа: 1. Македонците со ракија лечат се! Имате...