Sunday, December 17, 2017
Home Blog

Владиката Наум: Бугарската црква да стане мајка на македонската, ова е историски момент – да не го пропуштиме

Бугарија и Република Македонија имаат заедничка религиозна историја. Бугарската православна црква има шанса да стане црква мајка на Македонската православна црква (МПЦ) со самото нејзино признавање, изјави митрополитот струмички владиката Наум во интервју за БТВ.

Тој вели дека политички се причините зошто автокефалноста на Македонската православна црква сѐ уште не е призната.

Испративме писмо до Светиот синод на БПЦ со барање да се дискутира прашањето за признавањето на Македонската православна црква – Охридска архиепископија од Бугарската православна црква. Чекаме одговор од бугарскиот Синод. БПЦ има шанса со самото признавање на МПЦ да стане црква мајка на МПЦ. Тоа е ретка историска шанса што БПЦ не треба да ја пропушти “, категоричен е митрополитот Наум.

Ние сме биле дел од бугарската егзархија. Луѓето тогаш, кон крајот на XIX и почетокот на XX век биле поделени меѓу Егзархијата и Цариградската патријаршија, но повеќето – 95%, биле егзархисти, потсети македонскиот владика.

Владиката Наум го истакна и големото значење на Договорот за добрососедство меѓу Република Македонија и Бугарија и додаде дека е тоа само почеток.

Македонија, БиХ и Црна Гора ќе бараат авиокомпанија за линија Сараево-Подгорица-Скопје

Претседателот на Владата на Република Македонија, Зоран Заев, во рамки на дводневната работна посета на Сараево, попладнето се сретна со претседавачот со Советот на министри на БИХ, Денис Звиздиќ.


Премиерот Заев донесе во Западен Балкан нова позитивна енергија“, оцени по средбата на  делегациите од двете земји, на Македонија и БИХ, претседавачот Звиздиќ, кој потврди дека и тој ја прифаќа иницијативата на премиерот Заев за авиолинија на релација Сараево – Подгорица – Скопје.

На прес конференцијата, како што информира владината прес-служба, беше соопштено дека премиерот на Македонија, претседавачот со Советот на министри на БИХ,и премиерот на Црна Гора, Марковиќ, ќе испратат заедничко писмо до сите авиокомпании, заинтересирани да воведат авиолинија Сараево – Подгорица – Скопје, како и дека иницијативата е отворена и за други земји, како што е Република Бугарија.

Ја користиме секоја можност да ја унапредиме соработката на секое можно ниво, како очекување на ЕУ, но и во корист на граѓаните на двете земји,истакна Заев пред новинарите.

Тој додаде дека станува збор за унапредување на можностите за економска соработка, во областа на трговијата и во областа на ИТ секторот.

Во таа насока е поканета БИХ да биде активно вклучена во ИТ самитот што го организира Република Македонија во Скопје на регионално ниво, со цел унапредување на дигиталната економија, трговските и сообраќајните врски. За ова беше изразен интерес за соработка од страна на претставниците на БИХ.

Очекуваме целиот Западен Балкан да добие ЕУ перспективи, рече Заев, кој додаде дека при неговите средби со високите претставници од ЕУ, ќе се заложува за интеграција на сите држави од регионот во Унијата.

Претседавачот со Советот на министри на БИХ, Звиздиќ на прес конференцијата соопшти дека Македонија и БИХ заедно ќе настапуваат и во регионалната соработка и пред ЕУ.

На работната средба е оценето дека соработката меѓу двете држави е добра и оди во нагорна линија, дека ќе се продлабочува на политичко и економско ниво, посебно со отворање добри услови за домашните и странските инвеститори во земјите, дека двете држави имаат исти цели, подигнување на животниот стандард на граѓаните, сочувување на мирот и стабилноста во државите и во регионот, и интеграции во ЕУ и НАТО.

Со премиерот Зоран Заев во Сараево се и министерот за информатичко општество и администрација Дамјан Манчевски, и државниот секретар во МНР Виктор Димовски.

Европската Комисија побара итни реформи во судскиот систем

Европската Комисија и Македонија се согласија дека има итна потреба за конкретни резултати од реформите во судството, кое треба да биде независно. Побарана е и одговорност за прислушувањата, како и реформи во службата за разузнавање. На средбата за Договорот за стабилизација и асоцијација посветен на системот за правда и внатрешни работи која се одржа во Скопје меѓу претставниците на ЕК и Македонија, посебен акцент беше ставен и на планот на владата за реформите наречени „3 – 6 – 9“. Реализирањето на овие мерки ќе биде основа за понатамошни преговори со Комисијата.

ЕК ја истакна потребата за формирање на нови раководни тела во судството, во Советот на судии и во Советот на јавни обвинители и да овозможат независно судството, штитејќи ги судиите и обвинителите од можни политички влијанија. Комисијата исто така ја истакна потребата за реформи во службата за разузнавање и следењето на комуникациите, во линија со препораките. Понатаму е барано правна одговорност за криминалните дела кои произлегуваат од прислушуваните материјали, а се дискутирало за напредокот во покренување на истрагите за корупција од високо ниво и мерките за запленување на богатствата.

ЕК понуди помош за детално разгледување на усвојувањето на законите и стратешките документи за реформите во судството. Врз земјата се прави притисок со цел потребата за реформи да се планира соодветно, темелејќи се на анализата на недостатоците. Треба консултациите да бидат транспарентни и инклузивни и соодветни финансиски извори да се лоцираат кај актерите за да се дозволи нивното целосно спроведување. ЕК утврди дека има подобрување во областа на медиумите и ги охрабри понатамошните реформи, како и промовирање на слободата на изразување.

ВМРО-ДПМНЕ бара јавна расправа за предлог-законот за јазиците

Еден ден по изгласувањето на потребата за предлог-законот за употребата на јазиците, опозицијата бара јавна расправа во Собранието. ВМРО-ДПМНЕ настојува во расправата да се вклучат експерти и професори по лингвистика, кои според нив, би му помогнале било на мнозинството, па и на опозицијата во подготвувањето на амандманите.

Но, мнозинството не го поддржува овој предлогот на опозицијата, кој според нив е реакција „пост-фестум“. Мнозинството преферира јавна дебата.

Според собранискиот Деловник, законодавецот по општата расправа, може да одлучи за некој закон да се одржи јавна дебата и да одреди матично работно тело кое ќе ја организира. Второто читање за предлог-законот за употреба на јазиците ќе започне на 22 ноември во Комисијата за европски прашања, каде партиите ќе ги предложат своите амандмани.

Експерти: Итни мерки за заштита од климатските промени

0

Македонија од година во година во одредени делови ќе биде се посушна, а во некои региони ќе има серизона закана од поплави. Ова го покажуваат анализите на ФАО – Меѓународната организација за храна. Според нив, Македонија е на осмо место во светот по опасност од поплави и суши. Најпогодени од суша ќе бидат повардрадскиот дел и Овче Поле, а Пелагонискиот и Струмичкиот регион имаат опасност од чести поплави. Странските експерти со апел до Владата да направи стратешки пристап кон проблемот.

„Климатските промени бараат комплексен пристап, анализи во сите сфери, по тоа ќе се дефинираат конкретни оптимални мерки за адаптација, како што се системите за наводнување, нови издржливи сорти на семенски материјал.“ – изјави Рубенс Сасе – Регионален координатор на ФАО за Европа

И според студијата на Светската банка земјва во наредните 50 години ќе станува се посушна, а дел од постојните сорти нема да успеваат. Затоа препорачаа земјоделците да бараат издржливи семенски материјали како и инвестирање во системи за наводнување. Со помош на екперти од ФАО, наредната година ќе се подготват анализа и можни решенија за намалување на последиците од климатските промени. Најголеми штети трпат малите земјоделци оти се соочуваат со намален род и лош квалитет.

„Климатските промени претставуваат голема закана за земјоделството, бидејќи овој сектор е и најранлив во Македонија. А негативните ефекти од климатските промени е појавата од екстремни услови кои се карактеризираат со нагли температурни промени со што ја кочат борбата во намалување на сиромаштијата, како и обезбедување на доволно храна за сите.“ – изјави Власте Димковиќ – заменик министер за земјоделство

На нагли промени во температурата предупредуваат и од Управата за хидрометеоролошки работи.

„До петок ќе имаме облачно и врнежливо време, на одредени места врнежите ќе бидат пообилни. Се очекува од утре до петок да наврнат нови 40 литри воден талог. Пообилни ќе бидат во југоисточните, централните и северозападните делови од земјава. Со послаб интензитет ќе бидат врнежите во сабота.“ – вели Лена Ризова – синоптичар

Заради појава на ветер веќе од недела ќе има пад на температурите. На планините и на повисоките места дождот ќе помине во врнежи од снег. Токму заради климатските промени, лани Скопско и Тетовско беа полавени и во двата региони имаше и жртви.

Верица Павлоска

Заев остава отворена можност за владина реконструкција

Новиот министер за здравство може да не биде од редовите на Алијансата за Албанците, но тоа не значи дека оваа партија веќе нема да биде дел од Владата – изјави премиерот информирајќи дека Алијансата веќе предложила потенцијален наследник на Таравари. Но, како што рече Заев, ќе се разгледуваат и други имиња.

Оставајќи ја отворена можноста министерството за здравство да го добие друга партија, премиерот ја остави отворена можноста за пошироко рекомпонирање на неговиот кабинет, без да каже дали тоа подразбира и примање други партии во владината коалиција. Извори на Алсат велат дека се разгледува и оваа можност.

Од Алијансата за Албанците не прифатија да ја коментираат изјавата на Заев. Претходно изјавија дека остануваат на тоа нивен кадар да управува со ова министерство.

„Ние сме коалициски партнери. Не гледаме оправданост да комуницираме преку медиумите. Се разбира дека ќе седнеме и ќе разговараме“. – велат од Алијанса за Албанците

Имињата кои се спомнуваат како кандидати за празните министерски места, досега не се потврдени од ниедна од партиите кои се дел од владата.

Фатлуме Дервиши

Три лица повредени во сообраќајка кај Облешево, сообраќајот пренасочен

0

Кежаровски: Кога ние четворица живеевме во 8 квадрати без проблеми, во Македонија има простор за сите убаво да живеат

0

Дестабилизацијата на Либан може да предизвика нов бегалски бран кон Европа

0

Исламска држава загуби 95 отсто од територијата која што ја освои во 2014 година

0

Девет медиуми во Русија прогласени за „странски агенти“

0

Пелистер подобар од Охрид во 9. коло од ракометната Суперлига

0

Најмалку 15 загинати при сообраќајка на автобус и камион во Русија

0

Конгресот го усвои предлог-законот за даночните реформи на Трамп

0

Премијата на турската новогодишна лотарија се очекува да достигне повеќе од 13 милиони евра

0

Започна Меѓународниот културен форум со Санкт Петербург

0

Нимиц ќе се сретне со преговарачите од Грција и Македонија на 11 и 12 декември

0

Средбата на посредникот од ОН во преговорите за името, Метју Нимиц, со преговарачите од Македонија и Грција е закажана за 11 и 12 декември во Брисел. Информацијата ја потврди и портпаролот на генералниот секретар на ОН. 

Германците не толерираат доцнење, Дортмунд го суспендираше својот најдобар играч

0

„Милионерите” покажаа дека никој не е поголем од клубот, првиот стрелец Пјер Емерик Обамејанг е отстранет од тимот поради дисциплински причини

Може ли шкода суперб вистински да му се спротивстави на БМВ М760? (ВИДЕО)

0

И шкода суперб (Skoda Superb) и БМВ серија 7 се прилично големи европски седани, произведени од германски автомобилски групации.

Бугарија да престане Македонците во Албанија да ги именува како Бугари

0

Македонското друштво „Илинден“ со седиште во Тирана и огранокот во Голо Брдо, ја осудуваат бугарската политика кон Македонците во Албанија, во обидите за нивна асимилација, давајќи им бугарски државјанства.

Нова димензија на луксузот: како изгледаат новите приватни апартмани во авионите (ВИДЕО)

0

Авио-компанијата Емирејтс претстави целосно редизајнирани авионски кабини на боинг 777, вклучувајќи и приватни апартмани во првата класа.

Нема решение за името преку Генералното собрание на ООН, предлог меморандум

0

(Полемика: „Стратегија за прашањето на користење на уставното име на Република Македонија во ООН“, Игор Јанев, МКД.мк, 11 ноември 2017)

Јужна Кореја го предупреди Трамп: Не смеете да ја нападнете Северна Кореја без наша согласност

0

Високорангирана јужнокорејска државна претставничка го предупреди американскиот претседател Доналд Трамп дека не смее да ја нападне Северна Кореја без согласност на нејзината држава.

Головите кои никогаш не сме ги виделе, како Меси се загрева пред натпреварите (ВИДЕО)

0

Барселона стокми видео од фудбалската магија на Лео Меси за време на загревањето пред натпреварите, Аргентинецот со својата прецизност не ги остава рамнодушни ниту своите голмани

Земан: И други мислат како мене за Косово и НАТО бомбардирањето, но се плашат да кажат

0

Чешкиот претседател Милош Земан изјави дека двојните аршини на Европската Унија околу руското припојување на Крим се „лоша пракса“.

Глад и колера во Јемен: „Над 50 илјади деца ќе умрат до крајот на годината“ (ВОЗНЕМИРУВАЧКО ВИДЕО)

0

Над 50 илјади деца во Јемен ќе умрат од болести и глад до крајот на оваа година, предупредува организацијата Сејв д чилдрен (Save the Children).

Олд-скул тепачка во НХЛ, 20 хокеари влегоа во клинч (ВИДЕО)

0

На дуелот помеѓу Детроит Ред Вингс и Калгари Флејмс во НХЛ настана голема мешаница, како во старите времиња, околу 20 хокеари влегоа во клинч

Институт за политика: Бугарите се исклучително позитивно настроени кон Македонците

0

Бугарите се исклучително позитивно настроени кон Македонците и Република Македонија, а Бугарија нејзините граѓани ја сметаат за мост на Република Македонија кон Европската Унија, покажуваат резултатите од испитувањето на јавното мислење што го спроведе бугарскиот Институт за политика. 

Цуцка на денот

0

.

Најдобрите испади на Доналд Трамп во 2017

0

.

Голови на неделата – ноември 2017 (3)

0

.

Роналдо не е поштеден од критики ниту дома: Мајка ми, брат ми, сестра ми и син ми веднаш се бунат

0

Кристијано Роналдо во разговор со Лекип се пожали дека дури и во сопствениот дом е критикуван кога нема да постигне гол, неговите најблиски веднаш прашуваат што е проблемот

Паѓања, лизгања, кршења, глупирања – смешна видеокомпилација

0

.

Јапонска железничка компанија им се извини на патниците за тоа што воз тргнал 20 секунди порано

0

Железничка компанија во Јапонија им се извини на патниците за тоа што еден од нивните возови тргнал 20 секунди порано, пренесува Би-би-си.

Димитров и Бутарис разговараа за поголема соработка во образованието и културата

0

Комуникацијата меѓу граѓаните на Македонија и на Грција е од извонредно значење за зајакнување на взаемната доверба и разбирање, се согласиле шефот на македонската дипломатија, Никола Димитров и градоначалникот на Солун, Јанис Бутарис, на денешната средба. 

Мрачната тајна на Рака: Во таен договор евакуирани стотици џихадисти (ВИДЕО)

0

Би-би-си во голема репортажа ја откри мрачната врска поврзана со победата на бунтовничките Сириски демократски сили (СДФ) и меѓународната коалиција предводена од САД над Исламска држава (ИСИС) во Рака: стотици милитанти на ИСИС биле евакуирани од разурнатиот град во рамки на таен договор меѓу завојуваните страни, заедно со илјадници членови на нивните семејства.

Астероид ќе го носи името на Пранвера Хисени од Косово

0

Во вселената ќе има астероид кој ќе се вика Пранвера Хисени, по името на 21 годишната девојка од Косово, која е основач на првата астрономска програма во државата. Пранвера е студент на Факултетот за природни науки и математика при универзитетот во Приштина и достоинствено го застапува Косово во сферата на астрономијата. Таа е воодушевена што малото вселенско небеско тело ќе го носи нејзиното име.

„Голема привилегија за мене и клубот ‘Астрономи Аутрич оф Косово’ е тоа што астероид носи мое име. Навистина останав без зборови. Се чувствувам најсреќната личност на светот…“ – напиша Пранвера на својот фејсбук профил

Таа отсекогаш ги сакала месечината и ѕвездите. Во 2015 година во Приштина го основала клубот „Астрономи Аутрич оф Косово“, организација која денес има повеќе од 100 членови, а освен во Косово, дејствуваат и во Скопје и Тирана работејќи на популаризација на астрономијата.

Шефкије Аласани

Граѓаните нема да поднесуваат годишни даночни пријави

Граѓаните ќе немаат обврска да поднесуваат до Управата за јавни приходи годишна даночна пријава за остварени дополнителни приходи.

Ова е предвидено со измените и дополнувањата на Законот за персонален данок на доход кои беа разгледани на вчерашната седница на Владата на Република Македонија.

Според предлог-законот, наместо граѓаните тоа ќе го прави УЈП, а граѓаните ќе треба само да ги потврдат или корегираат информациите во пријавата.

Годишна даночна пријава граѓаните ја поднесуваат за остварени дополнителни приходи во годината што изминува, а пријавата се поднесува најдоцна до 15 март во тековната година.

Обврска за поднесување годишна даночна пријава имаа граѓаните кои покрај платата или пензијата, оствариле приходи како на пример по основ на закуп, авторски договори,…

Оваа година за приходи остварени во 2016 година се поднесени околу 400.000 годишни даночни пријави.

Надал го потврди настапот на Мастерсот во Лондон

0

Шпанскиот тенисер Рафаел Надал потврди дека ќе настапи на завршниот Мастерс во Лондон. Неизвесноста околу неговото играње беше откако претходната недела поради болки во коленото го предаде мечот од четвртфиналето на Мастерсот во Париз против Филип Крајиновиќ.

– Дојдов во Лондон да се надигрувам, сакам победи и да го кренам победничкиот пехар. Тоа е единствениот трофеј, кој го немам освоено. Сакам да играм во финалето, а желба ми е противник да ми биде Рожер Федерер, изјави најдобриот светски играч Надал.

Надал на завршниот Мастерс се наоѓа во групата „Пит Сампрас“, а ривали ќе му бидат: Доминик Тием, Григор Димитров и Давид Гофан.

Битиќи: Буџетот со новости во делот на капиталните инвестиции и АРМ

10 НОЕМВРИ
Експертите сметаат дека предлог – буџетот за 2018 гидина се разликува многу од минатогодишниот буџет по однос на износот кој најмногу е насочен за социјалните категории и пензионерите. Новина, според професорот Фатмир Битиќи, претставува делот за капитални инвестиции и зголемувањето предвидено за армијата, а тоа говори за определбата на владата за интеграција на земјата во евроатланските структури. Сепак, според него, останува да се види проекцијата и распределбата на буџетот според региони или места со различно етничко население.

„Тоа што се издвојува е делот за капитални инвестиции за што можам да кажам дека не е некој симболичен износ, останува релативно добар износ, но ние секогаш сме имале проблем со спроведување на капиталните инвестиции, бидејќи речиси историски гледано во последните 15 години сме стигнале до нивото на 60% во делот на буџетот за капитални инвестиции. Може би за првпат гледаме нови сигнали, а тоа е промена на курсот на владата кон интеграцијата во НАТО и ЕУ, бидејќи во одбраната, за првпат има зголемување со што е блиску до стандардите на НАТО. Ова треба да се гледа како промена на курсот на земјата и второ, за првпат имавме добра дебата за буџетот, иако според мојот вкус, требаше да има посуштествена дебата со повеќе податоци, а не само за некои линии и одредени категории, туку да биде малку подетално. Се надеваме дека во наредните денови ќе го имаме буџетот со сите специфики и ќе видиме како е дистрибуиран буџетот по разни категории, по региони, бидејќи тоа е важно за разни интереси на различните заедници кои живеат во Македонија“. – изјави Фатмир Битиќи, економски експерт

Хан: Македонија и Албанија се на добар пат кон ЕУ

11 НОЕМВРИ
Додека Велика Британија оди кон излез од ЕУ, Западен Балкан врши притисок за отворање на вратата на Унијата. На пролет, може да биде дадено зелено светло од Брисел за отварање на пристапните преговори со Македонија и Албанија, пишува австрискиот весник „Курир“.

Дека Македонија и Албанија се на добар пат кон ЕУ, според весникот, потврдил и еврокомесарот за проширување и соседска политика Јоханес Хан на средбите со новинари од регионот неделава во Тирана, пренесува МИА.

Претседателот на ЕК Жан Клод Јункер ја посочи 2025 година како можен термин за прием на нови членки на ЕУ, но според Хан, ниту една држава нема гаранција дека тогаш ќе се приклучи. Ако се поставува конкретерн рок, тоа може да биде опасност за земјите од Западен Балкан кои нема да го стигнат, да останат да чекаат и да назадуваат.

Процесот на пристапување е тековен реформски процес, а која држава најпрво ќе се придружи, не е одлучено, им пренел Хан на новинарите во Тирана.

Во февруари, Комисијата ќе претстави стратегија за Западен Балкан за натамошно зајакнување на европерспективата и за неопходните реформи во регионот. Очекуваната позитивна оценка за Македонија и за Албанија, кои и се на вистинскиот пат, треба да обезбеди основа земјите членки на ЕУ да го отворат патот за започнување на пристапните преговори со Скопје и Тирана. Бугарија ќе претседава со ЕУ во првата половина од 2018 година, а потоа следат Австрија, Романија, Финска и Хрватска – односно сите се држави кои се залагаат за евроинтеграција на Западен Балкан, наведува „Курир“.

Позитивен момент, кој бил посочен и на средбите на Хан во Тирана, е и подбрената клима во односите меѓу Грција и Македонија. Со тоа се отвораат можности во наредните месеци за евентуален крај на грчката блокада поради долготрајниот спор околу името со Македонија.

Во врска со Албанија, треба да се реши проблемот со илјадниците Албанци кои се уште бараат азил во ЕУ. Тоа влијае на имиџот на земјата и затоа мора да се промени, но тоа не може да се направи за година или две.

За замореноста од проширувањето во ЕУ, пак, за што исто така станало збор во Тирана, неопходно е лидерите и парламентите во земјите од Унијата да разговараат со нивните граѓани за придобивките од натамошното проширување. На пример, пред една и пол година, ЕУ ги отвори преговорите за пристапување со Србија. Тоа предизвика инвестициски бум таму, и по прв пат, луѓето почнаа се враќаат во својата татковина, пишува австриски „Курир“.

Колерата во Јемен безмилосна – Од април однела 2.127 животи

0

Oд крајот на април, епидемијата колера однела 2.127 животи во воено разурнатиот Јемен, информираат од Светската здравствена организација.

Во соопштението на СЗО, од 27-ми април во Јемен се пријавени 767.524 случаи на колера и дека од нив најмалку 2.127 лица починале. Јемен е во граѓанска војна од 2014 година, кога бунтовниците Хуси кренаа востание во голем дел од земјата, вклучувајќи го и главниот град. Конфликтот ескалираше во 2015 година, кога Саудиска Арабија и нејзините арапски сојузници започнаа голема воздушна кампања насочена кон ослабување на Хуси и поддршка на борбата на Јеменската влада.

Според Комитетот, повеќе од три милиони луѓе ги напуштиле своите домови од почетокот на вооружениот конфликт во Јемен, додека над 20 милиони имаат потреба од хуманитарна помош.

Колерата, која се пренесува преку заразена вода и предизвикува дијареја и повраќање, е заболување кое лесно се лекува и спречува.

Трет обид за судење за грабежот на Тутунска банка

Yтре треба да започне судскиот процес за најголемиот грабеж на пари во историјата на Македонија, кога од сефот на НЛБ „Тутунска банка“ беа украдени 400.000 швајцарски франци и 645.000 евра.

Претходното рочиште по барање на одбраната беше одложено. Тоа беше второ одложување по првото рочиште од 31 август. Одложувањето беше поради тоа што истражниот затвор во Шутка не спроведе тројца од обвинетите.

Основното јавно обвинителство по спроведување истрага во јуни поднесе обвиненија против 8 лица. Според обвинението, од 31 март до 8 април годинава првите четворица обвинети во неколку наврати со умисла и во повеќе временски поврзани дејствија, искористувајќи ја својата работна позиција ги украле парите од банката. Уапсен беше првообвинетиот, вработен во трезорот, Бобан Смилевски./а

Спасовски: Одговорно тврдам дека во МВР веќе не се прислушува нелегално

Oдговорно тврдам дека веќе не се прислушува нелегално и за тоа може да имаме експертски контроли, собраниски контроли во секое време.

Ние стоиме на располагање и сме отворени, врз основа на законските прописи, да се направат такви контроли, вели министерот за внатрешни работи Оливер Спасовски во интервју на Радио Слободна Европа.

Одговарајќи на прашањето зошто МВР поднесе кривични пријави против неколку градоначалници во предизборието, Спасовски тврди дека МВР работи според фактите и аргументите и прашањето е зошто случаите биле чувани во фиоки. За прислушувањето министерот Спасовски е дециден, од формирање на новата Влада, не се прислушува нелегално.

„Ние тврдиме одговорно дека во овој период, од формирањето на новата Влада, во Македонија нелегално не се прислушува, и за тоа може да имаме експертски контроли, собраниски контроли во секое време, ние стоиме на располагање и сме отворени врз основа на законските прописи да се направат такви контроли, меѓутоа дополнително и кај нас се поставени системи на контрола на целиот систем за да нема субјективности во однос на оваа работа, односно оваа надлежност на Министерството за внатрешни работи”, вели министерот Спасовски во интервјуто за Радио Слободна Европа./a

 

Златна „Камера 300“ за кинематограферот од Унгарија Марсел Рев

арсел Рев од Будимпешта, кинематографер во филмот „Месечината на Јупитер“ на водечкиот режисер Корнел Мундрузо, кој годинава се натпреваруваше и на фестивалот во Кан, е годинешен добитник на наградата златна „Камера 300“ што ја доделува ИФФК „Браќа Манаки“.

Претседателот на меѓународното фестивалско жири, норвежанецот Пол Рене Ростад, вели дека унгарскиот кинематографер Марсел Рев наградата ја добил заради визуелната енергија и исклучителната креативност во пренесувањето на приказната низ моќни слики.

Не подготвив говор. Не очекував дека ќе добијам вака високо признание. Конкуренцијата за награди беше голема, а јас се чувствувам прекрасно што сум тука, честитам на сите. Прекрасно беше да се биде во Битола и благодарам на битолската публика. Оваа награда му припаѓа на целиот тим што го подговуваше филмот, истакна Рев.

Тој дипломирал на Унгарската академија за филм и драма, отсек кинематографија и освен филмот „Месечината на Јупитер“ во својата кариера снимил 10 филмови од кои 5 се долгометражни.

Меѓународното фестивалско жири одлучи сребрената „Камера 300“ да му ја додели на кинематограферот Рајнер Клаусман во чии раце беше камерата за филмот „Од ништо“, бронзената „Камера 300“ ја доби кинематограферот Дејан Димески кој го снимаше филмот „Жаба“ во режија на Елмир Јукиќ, наградата мала златна „Камера 300“ му припадна на кинематограферот Наум Доксевски за краткиот македонски филм „Види ја ти неа“, а специјално фестивалско признание му беше доделено на кинематограферот од Русија, Данил Фомичев.

На вечерашното свечено затворање на фестивалот, министерот за култура Роберт Алаѓозовски на македонскиот режисер Милчо Манчевски му додели специјална награда златна „Камера 300“ за особен придонес во светската филмска уметност и истакна дека овој единствен фестивал посветен на браќата Манаки кои во Битола ги создадоа нивните драгоцени снимки овозможува како што рече министерот Алаѓозовски, ние преку нив и ден денеска се легитимираме во светот давајќи и на Битола култен статус, како место каде што се свртела првата камера на Балканот./м

(ВИДЕО) ЕКСКЛУЗИВНO ИНТЕРВЈУ/ Хасани: Тетовската интервентна кардиологија спасува многу животи

октор Ваљон Хасани- специјалист интернист кој субспецијализира кардиологија, веќе 4 години работи на одделот за Интервентна медицина во Тетовската болница.

Бојана Симоновиќ

Со оглед на тоа што кардиоваскуларните заболувања се причина број еден за смртност во Македонија, доктор Хасани секојдневно се соочува со голема одговорност и крои судбини…

Кардиологот Хасани, во интервјуто за „Post.mk“ откри како минува еден ден во кардиологија и со какви случаи се има сретнато во досегашното негово работење.

Целосното интервју можете да го проследите на следниот линк:

Амди Бајрам: Животот беше со нас, не со нив, Роми останете лојални на ВМРО-ДПМНЕ

На митингот на ВМРО-ДПМНЕ, кој го одржа во Тетово, се обрати и нивниот коалициски партнер Амди Бајрам, кој вели дека сите треба да гласаат за оваа партија, бидејќи таа се грижи сите националности да бидат сплотени.

Животот беше со нас, не со нив. За тоа, сите роми од Тетово и околината, заедно со мене и другите ромски политички партии треба да останат лојални на ВМРО-ДПМНЕ и со вас народот. Разочарани сте многу, но на 15 октомври сите ќе се развеселиме. Како ќе се развеселиме? Со број 13. Да излеземе заедно да гласаме и да славиме заедно. А по гласањето, ќе бараме нови парламентарни избори, рече Бајрам./м

(ВИДЕО) ЕКСЛУЗИВНО ИНТЕРВЈУ: Саша Богдановиќ: Сѐ што ќе се прави во Центар ќе биде во интерес на граѓаните

Кандидатот за градоначалник од СДСМ за општина Центар во интервју за Post.mk вели дека доколку народот го избере за да ја води оваа општина, ќе ги реши најголемите проблеми на Центар  и ќе им обезбеди на жителите простор за паркирање во секое време, повеќе зелени површини, нови училишта и градинки и тоа за повеќето проекти со пари од касата на општината. Ова се само дел од темите на кои што зборува Богдановиќ.

Целосното интервју можете да го проследите во продолжение.

Разговорот го водеше новинарката Елена Бошковска Крстевска.

Груевски од Тетово: Народот може да направи разлика – кој ги штитеше националните интереси, а кој ни ја менува историјата

Ако народот се прашуваше на изборите, ВМРО-ДПМНЕ со Коалицијата ќе беше на чело на владата, но овој пат се случи нешто друго и сега живееме во помрачување, порача лидерот на ВМРО-ДПМНЕ, Никола Груевски од митингот во Тетово.

Ако бараме добро во тоа зло што и се случи на Македонија, добро е што народот може да направи разлика. Од времето кога се работеше и се создаваше, кога се градеше и се решаваа проблеми, кога се зацврстуваше државата и кога се бранеа националните и државните интереси. И да се направи разлика со ова време кога незаконски се работи и насилнички, кога се работи спротивно на волјата на народот, кога се склучуваат штетни договори како оној со Бугарија каде се прифати да се менува историјата на македонскиот народ, каде што се прифати да се откажеме од македонското малцинство во Бугарија и каде се направија отстапки на штета на Македонија, се прават максимални обиди да се донесат неуставни закони, време во кое едно се зборува, а друго се прави, порача Груевски.

Тој потсети дека СДСМ зборуваше дека нема да донесат мигранти во Македонија, а направија стратегија да се донесат 150.000 мигранти.

Во секое зло може да се најде по нешто добро. Да се направи разлика од времето кога растеше економијата, извозот, растеа девизните резерви, кога индустриското производство беше континуирано во раст. И да се направи разлика со денес кога има пад на индустриското производство, кога се запрени сите градежни проекти и економијата паѓа, рече Груевски.

Лидерот на ВМРО-ДПМНЕ потенцира дека кога тие беа на власт субвенциите, платите, пензиите, социјалната помош растеа, а сега кога СДСМ е на власт субвенциите се условени, платите намалени. Ги обвини СДСМ дека донеле време на помрачување и дека наместо да привлекуваат нови инвеститори тие се грижат само за личните фирми каде се газди./м

Заев од Кавадарци: Ќе го изградиме винскиот пат

Ќе го изградиме винскиот пат кој ќе биде паралелна обиколница овде се до улицата „Дисанска”. Ќе бидат наредени објекти за дегустација на тиквешкото вино. Со тоа ќе се промовира производството и ќе се привлечат туристи. Ова го истакна лидерот на СДСМ и премиер Зоран Заев на митингот во Кавадарци.

Лозарството и винарството, рече, се голема предност на целиот Тиквешки регион и таа предност мора да се искористи и за развој на туризмот и промоција на овој крај и производите во него.

Заев нагласи дека Тиквешијата живее од лозарството и земјоделското производство и ја вети својата поддршка. Затоа што, како што додаде, ако лозарите добро живеат, добро ќе живее и целата Тиквешија.

Да се гордееме со тоа што ќе го произведеме. Само на тој начин со дополнителна промоција ќе обезбедиме нови пласмани за нашето грозје и вино. Мораме да работиме заедно сплотени за да можеме да донесеме достоинствен живот за цела Тиквешија, рече Заев.

Секогаш, додаде, ќе се залага за подобар живот на кавадарчани и на лозарите. Притоа ја повтори најавата од Неготино за дополнителна државна помош од два денари за килограм грозје предадено во домашните винарници, поради лошата година.

За само три месеци исплативме 68 милиони евра за земјоделски субвенции. Осум милиони евра стигнаа овде директно за лозарите. Дополнително помогнавме преку винарските визби. На тринаесет винарници со 700 илјади евра кои учествуваат во покачената цена за грозјето. Направивме напори со винариите кои должат да ги исплатат обврските од претходните години. И почна таа исплата, останаа уште многу мали средства кои до крајот на годината ќе бидат исплатени, порача лидерот на СДСМ.

Вети гасификација на Кавадарци, современ покриен пазар, комунална изградба и многу други проекти. Најави поддршка за стопанството заради повеќе вработувања и поголеми плати. Ќе се стори се, рече, Фени да работи и да дава плати.

Пред присутните се обрати и кандидатот за градоначалник Бетиане Китев. Како приоритети на идната локална самоуправа ги спомена гасификацијата, модерен затворен пазар, нова детска градинка, три ниви кружни текови, комплетирање на колекторскиот систем, велосипедска патека како и многу други проекти за подобар живот во Кавадарци и населените места од општината./м

Македонија

Владиката Наум: Бугарската црква да стане мајка на македонската, ова е историски момент –...

Бугарија и Република Македонија имаат заедничка религиозна историја. Бугарската православна црква има шанса да стане црква мајка на Македонската православна црква (МПЦ) со самото...

Македонија, БиХ и Црна Гора ќе бараат авиокомпанија за линија Сараево-Подгорица-Скопје

Претседателот на Владата на Република Македонија, Зоран Заев, во рамки на дводневната работна посета на Сараево, попладнето се сретна со претседавачот со Советот на...

Европската Комисија побара итни реформи во судскиот систем

Европската Комисија и Македонија се согласија дека има итна потреба за конкретни резултати од реформите во судството, кое треба да биде независно. Побарана е...

ВМРО-ДПМНЕ бара јавна расправа за предлог-законот за јазиците

Еден ден по изгласувањето на потребата за предлог-законот за употребата на јазиците, опозицијата бара јавна расправа во Собранието. ВМРО-ДПМНЕ настојува во расправата да се...

Заев остава отворена можност за владина реконструкција

Новиот министер за здравство може да не биде од редовите на Алијансата за Албанците, но тоа не значи дека оваа партија веќе нема да...