Presidenti e nënshkruan dekretin për shpërndarjen e Parlamentit (Dokument)

 

Pas votimit të mocionit për rrëzimin e Qeverisë Mustafa, presidenti Kosovës, Hashim Thaçi ka vendosur që ta shpërndajë Kuvendin e Kosovës.

Shpërndarjen e Kuvendit, presidenti Thaçi e ka bërë përmes dekretit, i cili ka hyrë menjëherë në fuqi.

Shpërndarja e Kuvendit u bë pasi që sot deputetët e Kuvendit votuan mocionin e mosbesimit për Qeverinë që udhëhiqej nga Isa Mustafa.

Për rrëzimin e Qeverisë votuan 78 deputetë, 34 ishin kundër ndërsa tre prej tyre abstenuan.