Prokuroria vendore vazhdon hetimet në rastin Dehari

Pas refuzimit të policisë metropolitane britanike Scotland Yard për të hetuar rastin Dehari, është prokuroria vendore ajo që do të vazhdojë hetimet.

Ndonëse për këtë nuk po pajtohet familja Dehari e as VV, kryeprokurori i Prokurorisë Themelore të Prizrenit Sylë Hoxha, ka thënë se do të vazhdojnë hetimet.

“Ne jemi duke i vazhduar hetimet për rastin Dehari. Prokurori i rastit po merret me hetimet. Ne për hetime të tilla bazohemi vetëm në ligjet në fuqi”, ka thënë Hoxha. I pyetur nga “Zëri”, nëse duhet marrë parasysh kërkesën e familjes Dehari që hetimet të ndërpriten ai ka thënë se si prokurori kanë hierarkinë dhe veprojnë vetëm sipas ligjeve.