Sekiraqa: As në ëndërr nuk e kam imagjinuar vrasjen e Triumfit

Një vit pasi u dënua nga Gjykata Themelore e Prishtinës me 37 vjet burg për nxitjen e vrasjes së policit Triumf Riza, Enver Sekiraqa paraqiti para Gjykatës së Apelit pretendimet e tij për pafajësi.Sekiraqa përjashtoi çdo mundësi të kishte ideuar vrasjen e Triumf Rizës.“As në ëndërr nuk e kam imagjinuar vrasjen e Triumf Rizës”, tha Sekiraqa para kolegjit të Gjykatës së Apelit.

I pandehuri tha se nga Kosova ishte larguar pasi ishte frikësuar se do të vritej dhe shtoi se i është dorëzuar vullnetarisht EULEX-it pasi misioni i BE-së i kishte garantuar siguri për jetën e tij.Në seancën e sotme, avokati i Sekiraqës, Boshtjan Penko, ka kërkuar nga kolegji i gjyqtarëve të Apelit përjashtimin e provave që rëndojnë mbi klientin e tij.“Të gjitha provat kryesore janë marrë në mënyrë joligjore”, ka thënë avokati.Penko ka hedhur dyshim mbi kredibilitetin e Policisë së Kosovës në rastin e Sekiraqës, pasi që siç tha ai Policia e Kosovës e ka futur një revole në makinën e të pandehurit dhe e ka kërcënuar atë me armë, duke iu referuar rastit të Ferizajt.Avokati shtoi se edhe urdhri i bastisjes së lokalit të të pandehurit nuk është dhënë nga gjyqtarja Drita Hoxha dhe se kjo vërtetohet përmes procesverbalit të Policisë për bastisjen e “Sekiraça Bar”-it.Madje, sipas tij, edhe dëshmia e dëshmitarit të mbrojtur të Prokurorisë, i koduar si D2, ishte kontradiktore.Sipas mbrojtjes së Sekiraqës, dëshmitari tjetër gjë kishte deklaruar para hetuesisë e tjetër gjë para Gjykatës.Madje, mbrojtja e Enver Sekiraqës e cilësoi të paarsyeshëm anonimitetin e dëshmitarit.Krejt në fund, pas paraqitjes së kundërshtimeve ndaj provave, mbrojtja e Sekiraqës kërkoi lirimin e tij.Mbrojtja e të pandehurit ka kërkuar që Sekiraqa të mbrohet në liri, t’i jepet arrest shtëpiak apo që të lirohet pasi e jep si garanci ndonjë nga bizneset e tij.Ndërkaq, prokurorja e rastit tha se kërkesa e mbrojtjes së Sekiraqës nuk gjen mbështetje në dispozitat ligjore.Sipas prokurores, mbrojtja nuk ka ofruar prova të reja por i ka përsëritur argumentet e ofruara në seancat e kaluara në Gjykatën Themelore.Më 17 maj 2016, Enver Sekiraqa është dënuar me 37 vjet burgim nga Gjykata Themelore e Prishtinës.Enver Sekiraqa akuzohet për veprat penale të nxitjes në vrasjen e ish-policit Triumf Riza dhe për detyrim. Gjykimi i tij ka nisur në tetor të vitit 2014.Për vrasjen e Triumf Rizës, Arben Berisha është dënuar me 35 vjet burg pasi është gjetur fajtor në akuzën se ka qenë ai që e ka vrarë policin në vitin 2007 në lagjen ‘Santea” në Prishtinë.