Shqipëria i reagon Gruevskit: Shqiptarët nuk janë punëtorë sezonal në trojet e tyre!

Sot përmes një ligjërate në Univerisitetin “Luigj Gurauqi” në Shkodër, ministri i Jashtëm i Shqipërisë, Ditmir Bushati i është përgjigjur ish- kryeministrit maqedonas Nikolla Gruevski.

“Shqiptarët nuk janë punëtorë sezonalë në trojet e tyre. Ne jemi të vëmendshëm tu përgjigjemi në kohë kërkesave të tyre. Nuk do të reshtim së theksuari nevojën e zhvillimit të shqiptarëve kudo ata ku jetojnë në respekt të asaj që u takon për më shumë dinjitet, barazi dhe përfshirje në planin e zhvillimit, e rrjedhimisht më shumë mirëqenie”, tha Bushati.