Tiranë, një person vret vetën me çifte

Një person në Tiranë i ka dhënë fund jetës duke u vetëvrarë me çifte.
Rreth orës 07:00 të mëngjesit të sotëm, në Bathore, në banesën e tij është gjetur i vdekur 62- vjeçari, Q. N.

Nga hetimet paraprake dyshohet se viktima ka kryer vetëvrasje, pasi është gjetur dhe një letër që viktima i ka lënë familjarëve.
Në letrën përmbajtja e së cilës nuk bëhet e njohur, shpjegohen edhe arsyet e aktit tragjik.

Në krahë të trupit është gjetur një armë zjarri, çifte. Nuk dihen ende shkaqet që e kanë detyruar 62- vjeçarin drejt fundit fatal, ndërkohë që policia po heton për zbardhjen e rrethanave të ngjarjes.