UNT do t’i ketë zyrat në ish-objektin e Gjykatës Kushtetuese në Maqedoni

Universiteti ”Nënë Tereza” tashmë ka gjetur edhe ”shtëpi”.

Zyrat e reja të UNT do të jenë në ish-objektin e Gjykatës Kushtetuese të Maqedonisë.

“Për “Nënë Terezën” janë ndarë këtë vit 10 milion denarë, kurse sipas ministrit, në buxhetin e vitit të ardhshëm janë parashikuar edhe 80 milionë denarë tjera. Universiteti më i ri në vend do të duhet të fillojë punën menjëherë, gjegjësisht prej të hënës”, ka thënë ministri i Arsimit dhe Shkencës, Pishtar Lutfiu.

“Sipas informatave që po i marrim, çdo ditë deri tani ka studentë të cilët garantojnë fillimin e të gjitha programeve studimore me më së paku një program studimor, me atë që në disa janë edhe më shumë se një, sidomos në fakultetin teknik, sepse aty kemi pesë programe, ku për tre programe veç më është siguruar numër i konsiderueshëm i studentëve”,- deklaroi rektori i Universitetit “Nenë Tereza”, Aziz Pollozhani.