Vuçiq: Pothuajse e sigurt se Haradinaj do të jetë kryeministër

 

Kryeministri i Serbisë, Aleksandar Vuçiq deklaroi sonte se është pothuajse e sigurt se Ramush Haradinaj do të jetë kryeministër i Kosovës dhe se kjo, sipas tij, do t’i hapë probleme të shumta Serbisë.

“Kjo hap vështirësi të sigurisë, hap probleme për të cilat edhe nuk duhet të flas. Duhet ta dimë që të udhëheqim politikë të mençur, serioze dhe përgjegjëse. Nuk ka asgjë prej asaj nëse nuk kemi siguri dhe stabilitet të plotë. Duhet të jemi ekonomikisht dhe politikisht të fuqishëm për të mund ta sigurojmë këtë”, ka thënë Vuçiq për RTS.